Mèscres e faceres en mostra per i 50 egn

Data

15 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L Grop de la Mèscres de Dèlba e Penìa à avert na mostra per i 50 egn de la sociazion te cèsa de Tita Giat a Penìa e l’envìa duc a dèr na veièda.

Firé l’é amò dalonc e te chest moment nia ne recorda carnascèr. L’é n gran ciaut stroz, no se veit cordeles e faceres entorn per i paìjes piens de ghesć vegnui a se goder noscia monts più che la cultura de Fascia. No fossa auter che la tradizions fascènes les no vel mai jir en vacanza e coscita, te na maniera o te n’autra, les troa scialdi l met de sutèr fora desche na piajegola sorpreisa.

Se é coscita vegnui a saer che, da en domenia ai 5 enscin ai 19 de aost, l Grop de la Mèscres de Dèlba e Penìa ge dèsc l met a chi che vel de poder mirèr na mostra gustegola, averta en ocajion di 50 egn de la sociazion.

Per poder veder la mèscres ladines e la faceres, apede ence ai beloc dessegnes fac da picoi bec de Poza e Moena che vèrda al carnascèr ladin, ge vel jir te cèsa de Tita Giat a Penìa (sunsom Treve), anter les 5 e les 7 da sera.

De più en cont de chesta bela scomenzadiva su La Usc stampèda en vender ai 10 de aost. 
 (Daniele Verra )