Te scolina a la descorida di sons

Data

19 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I bec de la scolina de Soraga à tout pèrt a n laboratorie de musega con l maester Ivo Brigadoi.


- Via per i meisc de messèl e aost te la scolina de Soraga l’é stat portà dant n laboratorie de musega da l’inom “A la descorida di sons”. En jebia ai 9 de aost l’é stat l’ultim dì e nos sion jic a veder de che che se trata. La maestra Margherita Chiocchetti ne à spiegà che l projet é stat endrezà ence l’an passà con i bec più gregn. “Con noi l’era na beza con problemes de moviment ma che l’aea na osc n mulge bela. Se aon empensà coscita de propor n projet che valorisee i talenc de chesta tosata e che l serve ence da inclujion. L’é stat 10 encontres, a duc ge aeva sapù proprio bel, la popa l’aeva podù se palesar, la podeva ciantar e l’à proà ence a sonar calche strument. Coscita, vedù l’esperienza positiva, aon dit che fosse stat bel l propor endodanöf e l verjer a duc i bec de la scolina, ence chi picoi. Aon rejonà con la coordenadora de la Scola Ladina Tatiana Soraperra e con l Comitat de gestion e ge aon domanà a l’Aministrazion de Comun se la podeva ne aidar e ne dar n contribut per paiar l projet, la é stata coscita desponibola che l’à paià dut cant.

L projet vegn metù a jir dal maester de la scola de musega Il Pentagramma Ivo Brigadoi e tol part duc i 19 popes, spartii te doi gropes, i picoi e i gregn. L’à abù dassen n bon éjit percheche prim de dut l vegn fat da na fegura fora de la scola e amò miec da n ensegnant om, che no se vesc per solit te chest ambient. E dapò l maester Ivo l’é n muie competent, l’à n cert carisma, l sà far coi tosac. Noi maestre sion state da na man a osservar e aon vedù che cheste ore de musega ge à fat ben ai popes. Se vedeva cerc bec che per solit i é spevies che te la musega i era bogn de se palesar; cerc popes che fasc fadìa a tajer e star cec, i à emparà a se controlar. La musega la é bela ma no semper noi maestre aon le competenze per ge la ensegnar ai tosac.”

De più en cont de chesta bela scomenzadiva su La Usc stampèda en vender ai 17 de aost.   (Monica Cigolla)