Più che demò bel!

Data

18 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tolan “ispirazion" da la mostres de l'Operazione Mato Grosso, Ispirazions d’istà ne à portà dant ence l’envit a la reflescion sun n tem che somea demò de parbuda, ma l’é n muie de più.


- En domenia ai 5 de aost te sala del Consei de Comun de Sèn Jan l'é stat metù a jir l 6° apuntament de la Comiscion cultura del Decanat de Fascia. L'era la sera de la Festa ta mont e tropes era amò te Val de Sèn Nicolò a lurèr o a se goder: l’empegn concret tel volontariat, desche chel che à tout ite n muie de fascegn te la mont de Poza, l’é stat apontin n tem de chesta scontrèda che - à dit Cesare Bernard te l’introduzion - volea meter ensema doi mondi che vèlch outa i somea dalonc, soraldut te chest temp de turism: chel de l’envit a momenc de reflescion sport da “Ispirazions d’istà” e chel de l’empegn de chi che se dèsc jù tel concret, moscian che travers l volontariat e l’empegn de duc se pel fèr dassen de gran robes.
Ocajion per la scontrèda dal titol “La grande bellezza: fare bene” l’é la mostres che oramai da vèlch an ogne istà la sociazion “Operazione Mato Grosso” endreza te nesc paìjes, per fèr entener che che l’é vindedò i guanc e la maies, i tapec e i recames che vegn metù fora e venù per sostegnir la miscions te l’America del Sud. No demò toc de gran parbuda, ogneun fat dut a man desche n’opera d’èrt, ma ence trop de più.
A rejonèr de dut chest “de più” che l’é tedò la bela parbuda di ogec, l’é stat envià Alessandro De Lisi, giornalist ma ence espert de cultura del Mediteran, che é restà encantà dal “sistem” envià via dal salesian Ugo de Censi, tant da jir enscin tel Perù a fèr n reportaje su la gran beleza de la operes che vegn portèdes inant da l’OMG.

Chest istà l’é stat orì chesta mostres, dal titol “Fai bene”, te ben 4 desferenc paìjes de Fascia: a Moena la é stata fora enscin ai 10 de aost, a Vich e a Poza (respetivamenter te Ciasa Marmolada e te Oratorie) les resta fora enscin en domenia ai 19 de aost e a Cianacei, te calonia vejin a la gejia del Sacro Cher enscin ai 26 de aost: duc i dis, con orarie 9.30-12.30 e 15.30-19.30 a Poza e Cianacei; a Vich ence da sera enscin les 10.

De più en cont de chesta scomenzadiva su La Usc stampèda en vender ai 17 de aost. 

 (Lucia Gross)