Al Stont i ghesć cognosc mìngol de storia

Data

11 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Annelise Vian de Bastl, che chest istà à tegnù averta la neva sezion del Museo Ladin de Ciampedel, ne conta sia esperienza con i ghesć, palesan sia pascion per noscia storia 

Ai 6 de mé de chest an a Ciampedel, dò i lurieres de restaure, l’é stat avert l Stont e daìte l’é stat endrezà na bela mostra rencurèda dal Museo Ladin de Fascia, che chest istà la é stata averta a la jent.

Da dir sobito che i ghesć che vegn da egn sa Ciampedel i se à fat marevea che chest fabricat sie ciarià de storia, ajache i l’aea semper vedù serà e arbandonà. I se à dit contenc che l’é stat fat fora e che  ge é stat dat de retorn a la comunanza de Ciampedel e de Fascia n toch de istoria de sia jent; n muie i à scrit, “Bravi, no se pel desmentièr l passà!” I à aprijià ence l projet di architec Winterle e Weber, che i ge à dat na parbuda da vera con detaes “da rujum”.

La domana che segur i me à fat de più, l’é stat “Che velel dir Casino di bersaglio?

A l dir anchecondì, descheche aea dit ence la dotora Maria Piccolin l dì de l’inaugurazion, somea vèlch da burt o da paz, desche se sa Ciampedel sie stat n “casin” con femenes lijieres o n “casinò” per jir a jièr.

Canche ge dijee che “Casino” stèsc per cèsa picola olache i jìa a se arcedèr a tirèr al tulac, i tirèa l fià o ge sciampèa o na grignèda, ajache i aea pissà mèl...


De più su la Usc nr 39 stampèda ai 5 de otober

 (Annelise Vian )