Chela carateristica sconuda... o no?

Data

16 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La logopedista Elena Zanon à rejonà di segnèi de risech, ciampanìe de alarm e strategìes funzionèles en cont de la dislessìa 

Enstadì l’é stat la pruma de la scontrèdes en program n’outa al meis fin de mé del 2019 dedichèdes a la dislessìa, metudes a jir dal grop DSA Trentin de Fiem e Fascia.

La dislessìa no l’é na malatìa ma na alterazion de origin neurologica che revèrda la capazità de lejer, scriver e fèr de cont polito, che vegn defenida DSA, dificoltà spezifica de l’aprendiment. Sot chest acronim l’é stat recognosciù cater dificoltèdes, tel lejer a na vida fluenta, tel scriver zenza fai ortografich, tel scriver con na bela grafìa e tel durèr i numeres.

Per solit la se palesa ti prumes egn de la scola populèra, ma la logopedista Elena Zanon, reladora de chest prum apuntament, l’à uzà fora che l bez moscia segnes chières jà n muie dant e che donca l’é dassen emportant emparèr a osservèr chisc indicatores de risech e no lascèr esser, pissan che la robes se ressolve da soules. Aboncont l’à sotrissà che la prejenza de n fator de risech no identifichea per forza la prejenza de n problem.

Canche rua na diagnosi de DSA n muie de families vif mèl chesta situazion, Zanon à enveze afermà che la zertificazion l’é na tapa che ge permet al bez de viver la scola con maor serenità e de ruèr a aer la competenzes che serf con manco stress.

L’enconter che vegn l’é en program ai 7 de november da les 20.30 te la Sala Spazie Joegn de la scoles populères de Pardac, olache la pedagogista Sonia Boschetto darà informazions sul Pian Didatich Personalisà (PDP).

De più su la Usc nr 40 stampèda ai 12 de otober

 ((cri.m))