Moena à vivù da nef i tempes de òr del tennis

Data

16 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Per recordèr la nasciuda del zircol ti egn ’60 l’é stat endrezà n tornoi vintage che à vedù i ciampes jun Navalge se viventèr de mondures biences e pèles de legn 

L’à dassen garatà la pruma edizion del tornoi de tennis vintage a cobies “L’Eroica” che l’é stat metù a jir l’ùltima sabeda de setember a Moena tel zenter sportif de Navalge per endrez del Tennis Club Moena.

L’idea la é nasciuda per recordèr e festejèr la origines del zircol sportif che à tacà via sia ativitèdes apontin del 1963. L’era i egn che a Moena tachèa a ciapèr semper più pe l turism da d’istà e tel medemo temp l sport del tennis tirèa ite n muie de joegn de gra a inomes desche Adriano Panatta e Corrado Barazzutti.

Per recordèr i prumes tempes l’é stat pissà de organisèr n tornoi con i partezipanc regolé en stil egn 60/70/80, donca lèrga a braa e rocia curtes a faldes, maietes col col, ciuzé, fasces e manscec duc bienc, ma ence a la mondures che se vedea te la gran endesfides anter Bjorn Borg e John McEnroe, - ve recordede i cognosciui brand Fila e Sergio Tacchini? - se sà ben zenza se desmentièr de la pèles che enlouta les era de legn.

A la competizion se à scrit ite ben 11 cobies, om e femena, che i se à dat batalia te n tornoi organisà con formula a la talièna e dò con tabelon a eliminazion direta, “na maniera per far jiar duc l più possìbol”, l’à spiegà l segretèr de la sociazion e maester de tennis Francesco Globo.

De più su la Usc nr 40 stampèda ai 12 de otober

 ((cri.m))