La Bandiera en pèsc e en vera

Data

18 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Fabio Chiocchetti del Goti porta dant n nef aprofondiment su la bandieres
Nosce bandiere sgola
con fasce de più color
cheste soule noi vardon
de bon eie e bel amor

Coscita dijea chela cianzon veiora che recordèa i Arimans, i verieres defensores de Fascia contra i Trujegn invasores: “Vivat i Latrons! / Vivat Fassa”. De chest aon jà rejonà su la Usc (n. 36, 2009) ma se zachei volessa se lejer fora dut l test i pel l troèr te “Mondo Ladino” (1995: 300). Donca someassa dalvera che la bandieres de la Regoles sie zeche che à reijes fones ti “prumes tempes” de noscia comunanza, n temp che perauter partegn più a la dimenscion epica, o mitologica, che no a la storia.

Dai documenc, defat, no saon se i milizioc fascegn che del ’600 vegnìa metui a la leta da la Comunanza per contribuir a la defendura del Tirol (aldò del Landlibell, 1511), estra che langhieres, śabies, spontons e vèlch moschet, se portèa dò ence bandieres de vèlch sòrt: saon enveze che del 1624 flautist (pfeiffer) l’era Batista De Luca, e Antoni de Soraruf fajea da tamburin (trumblschlager) (A. Mura, te “Mondo ladino” 2014: 81-123). Se i aea na bandiera, i n’aea una e una demò: duta l’autres, cheles de la Regoles, les restèa pa ben a cèsa… 


Lejé l’articol entriech su la Usc nr 40 stampèda ai 12 de otober


 (Fabio Chiocchetti)