67 candidac fascegn per la litazions provinzièles

Data

19 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Su la Usc nr 41 prejenton la doi listes de val e i 3 candidac che se met dant te etres partic provinzièi

En domenia ai 21 de otober duc i sentadins del Trentin Sudtoril che à derit de litèr i é chiamé a jir a dèr jù sia stima per dezider chi che rejarà la doi Provinzies ti 5 egn che vegn. Tel Trentin l’é 11 candidac a l’encèria de President de la Provinzia de Trent che se à metù dant, sostegnui da una o più listes, 22 listes en dut. Per chel che vèrda i candidac de Fascia, aon 2 listes de val, vigniuna con zirca 30 candidac, e 3 fascegn te etres partic provinzièi. I prejenton duc te la Usc nr 41, ence travers vèlch domana mirèda.

Ai candidac e a la listes aon volù ge fèr la valiva 6 domanes, domanan che i respone en curt uzan fora più che l’é meso azions mirèdes e concretes:

1. Chesta litazions dezidarà una persona che cognarà raprejentèr Fascia a Trent per i 5 egn che vegn. Coluna él per Vo la persona che podessa corir miec chesta encèria?

2. Colunes él per Vo la 3 pruma prioritèdes da portèr inant con maor forza per Fascia e portèr a compiment ti 5 egn che vegn?

3. Co fajassède per chierir de arsegurèr na soluzion per chesta costions prioritères?

4. Mobilità su goma, su scina o auter: de che èla de besegn soraldut noscia val?

5. Scola e cultura te Fascia: che él da valorisèr? Él vèlch che enveze mencia o se cognessa mudèr?

6. Frabicac e strutures per abitajon, per l turism e publiches: n fèr de neves, riconvertir e stravardèr. Che pissède sun chest?

Lejé duta la respostes e i aprofondimenc su la Usc nr 41 stampèda ai 19 de otober