N soul cher che bat…per endèna!

Data

09 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En jebia ai 8 de november te Fascia l'é stat l'event "N soul cher che bat. Atlec, alenadores, genitores e teritorie". N muie de jent à tout pèrt per scutèr ence personajes de nonzech del mond sportif
Passa cent persones à volù partezipèr a la scontrèda endrezèda da Val di Fassa 2019 e da l'Union di Ladins de Fascia, angern da sera ai 8 de november al Paladolomites de Ciampestrin.

"N soul cher che bat. Atlec, alenadores, genitores e teritorie", chest l titol de l'event avert sun paladina da Teresa Lorenz. I prumes chiamé apede ela a ge rejonèr ai presenc é stac Nicoletta Dallago, ombolta del comun de Mazzin che à metù a la leta la strutura per la scontrèda; l president de l'Union di Ladins de Fascia Fernando Brunel che à rejonà de la valuta de nosc lengaz ence te la gran competizions sportives; Davide Moser, president del comitat organisatif di Campionac Mondiai Juniores 2019 che sarà prest te Fascia.

Amò de gran enteress, dò chisc prumes intervenc, la meisa torona moderèda da Stefano Bizzotto, che à vedù la partezipazion de ghesć de nonzech: Kristian Ghedina, Giorgio Cagnotto, Amedeo Pomilio, Matteo Iori e Paolo Bouquet é stac a man a man domané fora tant su costions de ambit sportif che con domanes più personèles.

Na scontrèda dassen enteressanta che à metù dant n bel mingol de nozions e curiositèdes.

Ve diron de più su la Usc nr 45 che vegnarà stampèda ai 16 de november
 (Daniele Verra)