Radunanza straordenèra! Che sozedel a la Banca?

Data

15 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Envers l Grop Cassa Zentrèla Banca: la Cassa Rurala Dolomites de Fascia, Primier e Belun chiama ite si sozi a na radunanza straordenèra per…

La Cassa Rurala Dolomites de Fascia, Primier e Belun chiama ite na radunanza straordenèra di sozi doman, vender ai 16 de november da mesa les 7 da sera tel teater Navalge a Moena e a l’auditorium de Transacqua en video conferenza, per deliberèr la modifiches al Statut che l’é de besegn per l’adejion al Grop “Cassa Zentrèla Banca”.

L percors de chest mudament l’é tacà del 2016 con la reforma del credit cooperatif talian, disciplinèda da la lege che obliga duta la banches de credit cooperatif e la Casses Rurale a fèr pèrt de n Grop de Banca Cooperatif, zenza adejion defat se pert la lizenza de banca. 

Aldò de chesta desposizions de lege, la radunanza di sozi de la Cassa Rurala Dolomites di 5 de mé del 2017 aea fat fora de tor pèrt a chest Grop de Trent.

Dò n iter de beleche n an e mez ades se pel jir inant coi mudamenc al Statut pervedui da la lege de reforma.

“Noscia Cassa à dezidù de azetar la endesfida - l’à declarà l president Carlo Vadagnini - metan ensema nosce forze con chele de autre Casse per crear l Grop de Banca Cooperatif e seghitar a esser al servije de nosc teritorie. Sion e resteron na banca autonoma - l’à dit amò - n suport fondamental per le economie e le comunità locale. I valores del sistem cooperatif resta tel temp ma duc saon che i modìe organisatives muda e i va inant. La tecnologìa e l ruèr un dò l’auter de strumenc semper più refiné muda le usanze de la jent e fasc nascer neves comportamenc.

L Grop de Banca ne darà la forza per esser competitives ma la funzion de banca del teritorie la restarà e i sozi seghiterà a aer l poder de nominar nösc aministradores. Speron donca che i tole part en gran numer a chest apuntament emportant che ne dasc la possibilità de scriver na piata növa de storia del Credit Cooperatif talian.”