Fascia

media/k2/galleries/8745/thumbs/MartinaIOriONLINE.jpg
26 de november 2018

A Udin l’é endò Suns Europe: MENCIA PECH!

Dai 29 de november ai 2 de dezember la 4^ edizion del Festival de èrts ti lengac mendres: na lingia de evenc te dis e lesc desferenc e la sabeda l conzert/contest olache sarà ence Martina Iori
La 4^ edizion de Suns Europe, l Festival de la èrts ti lengac de mendranza europeans, sarà a Udin dai 29 de november ai 2 de dezember.

L program de l’event, pissà da la cooperativa Informazion Furlana, editora de Radio Onde Furlane, col sostegn economich de l’ARLeF (Agjenzie Regionâl pe Lenghe Furlane), de la Region FVG, del Comun de Udin e de la Fondazion Friul, l’é stat portà dant enstadì dal president de la cooperativa Carli Pup, dal diretor artistich Leo Virgili, da l’assessor de comun ...
media/k2/galleries/8743/thumbs/FalconsKrampusONLINE.jpg
25 de november 2018

Derby ladin da diaoi… per Bambi

En jebia ai 29 de november sarà la Krampus Hockey Night en ocajion del derby ladin anter Fascia e Cortina. N event de benefizenza metù a jir dal Fascia Falcons en colaborazion coi Krampus da Poza
Aede mai vedù n falchet col peil de diaol tel dos? Na? Bendapò en jebia ai 29 de november l stadie Gianmario Scola de Dèlba ve speta, per ve fèr viver a duc na sera de gran divertiment, spas, sport e benefizenza.

De gra a la colaborazion anter doi sociazions fascènes, l Fascia Falcons e i Krampus da Poza, vegnarà endrezà la Krampus Hockey Night, na scomenzadiva a sostegn de la Sociazion Bambi che da sacotenc egn la se dèsc jù tel ciamp de l’assistenza ai bec malé de Fiem e Fascia, per defener ...
media/k2/galleries/8741/thumbs/logo_fascia.jpg
24 de november 2018

Assegnes de studie te Comun general

A la leta di studenc assegnes de studies per viajes per l’an de scola 2018-2019. Lejé i detaes
L Comun general de Fascia fèsc a saer che, aldò de l’articol 72 de la L.P. nr 5 dai 7.08.2006, vegn metù a la leta di studenc, residenc te val che fèsc l prum e secont livel de istruzion e formazion e à i requisic domané, assegnes de studie o didamenc per viajes per l’an de scola 2018-19.

Se pel desćiarièr copies de l’avis e di formulères de domana dal sit de l’Istituzion www.comungeneraldefascia.tn.it.

Ge vel portèr dant la domana ti ofizies del Comun general te Strada di Pré de gejia, 2 ...
media/k2/galleries/8769/thumbs/stemma_1.jpg
23 de november 2018

Sèn Jan mudarèl inom?

L’é vegnù fora na sentenza de incostituzionalità en cont de denominazion del nel Comun fascian. L’aministrazion é dò a valutèr i vèresc da fèr.
La Cort Costituzionèla enstadì à declarà (sentenza 210/2018) la no legitimità costituzionèla parzièla de l’articol 1 de la lege de la Region Autonoma Trentin Sudtirol nr 8 dai 31 de otober del 2017, che à istituì l nef Comun de Sèn Jan dò la fujion di comuns de Poza e Vich, te la pèrt olache vegn durà la denominazion Sèn Jan di Fassa - Sèn Jan.

L’osservazion de incostituzionalità era stata uzèda fora dal conseier de la Provinzia de Busan Alessandro Urzì, che l sostegnìa enveze l besegn de durèr ...
media/k2/galleries/8740/thumbs/OspedelSatefaniaSegnanaONLINE.jpg
23 de november 2018

OSPEDEL CIAVALEIS, ultima neves!

La neva assessora provinzièla a la sanità Stefania Segnana à dit che la Provinzia e l’Azienda sanitèra arsegurarà n servije segur e percacent
La é stata touta sù con entusiasm e legreza ma ence con vèlch cruzie la neva, data enstadì da la neva assessora provinzièla a la sanità Stefania Segnana, che col prum de dezember verjarà endodanef l partiment de nasciuda de l’ospedèl de Ciavaleis. Gran legreza percheche zacan se é rué a l’obietif domanà a gran ousc da aministradores de Fiem e Fascia, da la sacotanta sociazions e gropes e dai sentadins che se à semper batù percheche l posse endò vegnir orì.

Pec dis dò l’é ruà la posizions de ...
media/k2/galleries/8754/thumbs/MostraBarbaraBonuONLINE.jpg
22 de november 2018

Volesse jir a scola!

Na bela mostra sul derit al studie é da poder veder te la Biblioteca del Comun de Sèn Jan a Vich
Lubanga l’à 12 egn e l’é da la Nigeria. I sudé à masciacrà sia familia e i l’à fat doventèr n bez sudà. L’à copà chel che - i ge à dit - l’aea copà sia jent. Dapò copèr l’é doventà semper più sorì.

Vasco l’à 10 egn e l’é da Rio de Janeiro, tel Brasil. L vif e l laora sun strèda, lustran ciuzé. Sia mère la é morta, sia giava no la pel l mantegnir. La banda ge dèsc protezion, ma la se tol si scioldi.

Fatimatou l’à 12 egn e la é de la Mauritania. Sia familia l’à data desche sposa a n om che l’à ...
media/k2/galleries/8696/thumbs/IgorBonelliONLINE.jpg
22 de november 2018

La vita de n ator... su l’ambulanza

L’ensomech de se far strada te cinema e teater se à conjobià con la pascion de far l socoridor e autist de mesi de socors. Igor Bonelli ne conta sia esperienzes e sia speranzes
L’à n mus e n fisich da joenet, ma proprio joenet no l’é più. Igor Bonelli l’à 37 egn e l’à semper abù la pascion per la recitazion, jà canche l jìa a la scolina l volea esser protagonist sun paladina. L’ensomech de doventar ator profescionist no sorì da realisar, e Igor l’é jit dò a chesta strada con determinazion, ma endana l se à envià via ence per n’autra strada, chela de socoridor e autist de ambulanze. Se aon fat contar de soe pascion e de soe esperienze.

”Igor, co él stat to prum esordie ...
media/k2/galleries/8695/thumbs/NewYorkONLINE.jpg
21 de november 2018

A New York de corsa… auter che Bogn da Nia!

N grop de ot amisc ladins à tout pèrt a la Maratona più cognosciuda del mond
Corer la maratona più cognosciuda del mond l’é n ensomech che l’é doventà realtà chest an per n grop de amisc sportives di Bogn da Nia.

Ennio Dantone, Marco Pescol, Luca Zulian, Mattia Riz, Paolo Longo, Alessandro Pellegrin, Nicoletta Grisotto e Stefano Pistilli, compagné da le tifose Linda Ellecosta e Cristina Gabrielli, i à fat chesta bela esperienza e en domenia ai 4 de november i à coret anter i 73.000 concorenc de la maratona de New York.

L viac é stat endrezà da Stefano Pistilli, che l ...
media/k2/galleries/8726/thumbs/PartenzaMen.jpg
20 de november 2018

Marcialonga: 100 numeres al Black Friday

Vegn venù ence la iscrizions a vèlch un di prinzipèi evenc col rebas del 20% 
I segnificac de l’esprescion “Black Friday” i é n muie; per valgugn i vegn dal gran trafich de Philadelphia proprio te chela dì, per etres l’é la possibilità de passèr dal “checen” (passif) al “neigher” (atif) te na dì de vadagnes per l’ativitèdes comerzièles. L fenomen di rebasc che te chest trat de temp de l’an l’é scopià ti Stac Unii l’é doventà populèr ence te l’Europa tant che n muie de boteighes arbassa i priesc de si prodoc proprio en vender ai 23 de november.

Ence Marcialonga l’à pissà ...
media/k2/galleries/8694/thumbs/Pruma.jpg
20 de november 2018

L Circo di talenc sun paladina da Fascia e dal Mond

Marevea e emozions per l secondo apuntament de la Rassegna de teater. Chiò la fotografies!
Sion jic a dèr na veièda al Circo di Talenc: dassen na gran marevea! Instouta, tel projet del Comun General de Fascia de la Rassegna de teater, sun paladina l’é stat portà n grumon de legreza e pascion. Più che 60 joegn se à palesà tedant al publich, portan vigniun sia personalità e carater. “L Circo di Talenc” no l’é demò na comedia, l’é stat n met per meter adum l talent de ogne bez.

L spetacol é stat avert da la paroles de Vanessa Tomasi, che à sobito palesà sie orgolie per l grop de lurier ...
media/k2/galleries/8719/thumbs/Musega_Moena_SVile.jpg
19 de november 2018

Nia più tendon per Sèn Vile

L president de la Musega de Moena Dino Perut à fat a saer che la Banda no endrezarà più la sègra de Sèn Vile
L’era doventà oramai na bela tradizion, l tendon per la sègra de Sèn Vile a Moena. Dò 15 egn de atività, l gran telon te Navalge no vegnarà più fat e con chest nience più la gran festa de trei o cater dis che la Musega à semper endrezà i ultimes dis de jugn.

La é ruèda enstadì la neva dal president de la Musega de Moena Dino Perut che con n comunicat à fat a saer la dezijion touta te l’ultima radunanza de la Banda stata en vender ai 16 de november.

“L’é con gran despiajer - scrif Perut – che ...
media/k2/galleries/8692/thumbs/CaterinaGanzAdmoONLINE.jpg
19 de november 2018

N don... na speranza de vita

Gran empegn de la sociazion ADMO Trentino per sensibilisèr i joegn a donèr la megola de l’os. Anter i testimonial l’atleta moenata de paslonch Caterina Ganz
Dal 1992 ADMO Trentino sensibilisea i joegn su la donazion de megola de l’os desche ultima speranza per chi che padesc de na malatìa oncoematologica. N empegn gran che l’à permetù de ruèr a beleche 9000 scric ite. Estra chest, ADMO Trentino endreza regoetes de scioldi per meter ite tel register nazionèl l maor numer possìbol de aspiranc donatores.

La tipisazions, la analises genetiches su n campion de sanch, indispensaboles per chesta iscrizion, pel vegnir fates demò da laboratories zertifiché ...
media/k2/galleries/8691/thumbs/Fernando.jpg
18 de november 2018

Mondièi LADINS!

Ve meton dant la reflescion del president de l’Union di Ladins de Fascia. Su la Usc nr 45 ence l’articol relatif a la scontrèda N Soul Cher Che Bat!
Tel meis de firé del 2019 te Fascia vegnarà metù a jir i Campionac Mondièi Junior de schi alpin. L’é na bela endesfida per noscia val e ence na bela ocajion per recordèr che chest event vegn endrezà te n raion olache se rejona l lengaz ladin.

Ai 8 de november l’é stat metù a jir n convegn sul raport e la comunicazion anter atlec, alenadores e teritorie (v. a piata 7) e l’Union di Ladins de Fascia à tout sù con gaissa la proponeta de la conseiera Teresa Lorenz de tor pèrt a l’endrez ensema con l ...
media/k2/galleries/8697/thumbs/TrialAcrobatichONLINE.jpg
16 de november 2018

“No Filters”, n spetacol de Daniel Degiampietro

L joen da L Forn profescionist de bike trial acrobatich porta sia acrobazìes su la paladina del teater de Tieser, compagnèdes da sia musega e bai, per motivèr i joegn e sostegnir Emergency
L vel trasmeter gaissa e dejiderie de se arvejinèr al volontariat e ge jir dò a sia pascions, l spetacol ideà e rencurà dal joen Daniel Degiampietro. “No Filters”, chest l tìtol, l sarà da veder al chino de Tieser en sabeda ai 17 de november e na pèrt de chel che vegn tirà sù jirà per la sociazion de Gino Strada che deida la vitimes de la vera.

Daniel Degiampietro l’à 22 egn (l li compirà apontin ai 18 de november) e tedò la spales l’à jà na gran esperienza desche talent de bike trial. L’à ...
media/k2/galleries/8689/thumbs/Conscirc64ONLINE.jpg
16 de november 2018

A Madrid... spetan New York!

N bel grop de feruscoi conscric del 1964 é stat a se fèr n bel fin de setemèna te la capitala de la Spagna
Engaissé dò cater egn zenza sia raides, n bel grop de na ventina de conscric del 1964 i se à conzedù chest an n lonch fin de setemèna dai 26 ai 28 de otober te na zità che à n muie de marevees, ma ence n bon nonzech per sia “movida”: Madrid.

Peé via da la 1 de net, con Ryanair da Bergamo da doman i era jà te la capitala de la Spagna, giusta en temp per n bon dalesnef con pan e jamon madrilen e na bona cerveza.

Vidé da na guida, l grop à podù prum de dut veder coran la Plaza de Toros... e ...
media/k2/galleries/8699/thumbs/VadagniniCarurONLINE.jpg
15 de november 2018

Radunanza straordenèra! Che sozedel a la Banca?

Envers l Grop Cassa Zentrèla Banca: la Cassa Rurala Dolomites de Fascia, Primier e Belun chiama ite si sozi a na radunanza straordenèra per…
La Cassa Rurala Dolomites de Fascia, Primier e Belun chiama ite na radunanza straordenèra di sozi doman, vender ai 16 de november da mesa les 7 da sera tel teater Navalge a Moena e a l’auditorium de Transacqua en video conferenza, per deliberèr la modifiches al Statut che l’é de besegn per l’adejion al Grop “Cassa Zentrèla Banca”.

L percors de chest mudament l’é tacà del 2016 con la reforma del credit cooperatif talian, disciplinèda da la lege che obliga duta la banches de credit cooperatif e ...
media/k2/galleries/8688/thumbs/BienalaUnejiaONLINE.jpg
15 de november 2018

Freespace: studenc a la Bienala de Unejia!

Trei clasc del lizeo scientifich à vijità una de la mostres de maor prestije del mond
La Bienala de Unejia l’é una de la rassegnes de èrt contemporèna del mond più de nonzech e de età. En mercol ai 24 de otober la classes terza, quarta e quinta del lizeo scientifich de la Scola Ladina de Fascia les é jites a ge dèr na veièda. E dassen grana l’é stat la marevea de duc i studenc.

La Bienala é nasciuda del 1895 per sostegnir l’èrt de Unejia e de duta la Tèlia. L’é stat la pruma esposizion bienala d’èrt del mond, la se à cruzià e la se cruzia de portèr en aut la beleza de l’èrt tras ...
media/k2/galleries/8630/thumbs/ComemorazionVeraONLINE.jpg
15 de november 2018

Onor al sacrifizie per n davegnir de pèsc

Desche ogne an l’é stat endrezà sun Ciaslir de Vich la comemorazion di sudé morc te la Gran Vera. Per l’ocajion l’é stat renovà l cuert del teac de la cortina
En sabeda ai 3 de november tel prum domarena te la cortina de vera de Vich l’é stat la tradizionèla zerimonia de comemorazion di sudé morc, che à tout sù na valuta particolèra per i cent egn da la fin de la Gran Vera.

I gropes e la jent se à binà te piaz de paìsc per jir en defilèda, con la Musega da Vich, fin sun Ciaslir, olache l’é stat la comemorazion de don Andrea Malfatti.

L’era i Alpins da Moena fin ta Cianacei, i Scizeres de Fascia, i Studafech da Vich, na raprejentanza de la Crousc ...
media/k2/galleries/8672/thumbs/DonMarioONLINE.jpg
14 de november 2018

La curazìes no muda so endrez, don Mario Bravin no l’é più decan de Fascia

La Zona pastorèla de Fascia e Fiem no portarà, per endèna, nesciun straoujiment per chel che vèrda l’endrez de la curazìes e de sia atività. Resta la costion averta per chela de Moena.
”Don Mario, no siede più decan de Fascia? - Ei, no son più decan de Fascia, me é ruà la letra de “licenziament” dal Piscop, ades son demò curat de Cianacei, Dèlba e Penìa.”

”Ades chi él che tol na dezijion che à valuta sora duta la curazìes de Fascia? - L’é l vicarie de zona don Albino Dell’Eva.”

”Éla possibola na colaborazion con Fiem, che n pissède Vo? - Con Fiem aron na colaborazion per chel che vèrda i corsc de formazion: per l monech, per i ministres de la comunion, per la catechesi… Per l ...
media/k2/galleries/8628/thumbs/PederivaBallardONLINE.jpg
14 de november 2018

L spigol de la Valacia ades l’é più segur

L menacrep fascian Bruno Pederiva Brognol ensema col joen rampeador Tom Ballard i à fat en libera e atrezà la storica via averta del 1961 da Tone Gross Punz e Tone Rizzi Poldin 
Te l’istà del 1961 l’era stat na impresa dassen storica, che aea portà n grumon de jent da duta Fascia al scomenz de la Val de Sèn Nicolò, aló da “La Soldanella”, a vardèr sù doi di maores menacrepes fascegn, Tone Gross de Punz e Tone Rizzi de Poldin, endèna che i averjea la via senestra e spetacolèra del spigol de la Valacia, sun Sas da le Undesc.

Chest istà a refar chela via l’é stat etres doi alpinisć de nonzech, l menacrep fascian Bruno Pederiva Brognol ensema col joen rampeador ingleis Tom ...