Col dis “si” al inevament del skiweg de Croda Negra

Data

12 de setember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I laor i podarave pèe via ncora de setembre, ma chest se l savarà apena darè la conferenza dei servije del 14 de setembre. Marco Zardini, president de la sozietà dai lifc Averau: “Gramarzé a duc i regolier da Col per avè dat parer positif al laor”.

Nef sigura dut invar per l skiweg Croda Negra (la pista che pea via del lift de Croda Negra e che la và darè ju per doi km del vars de Col Gallina, ndr): chest l obietif per l invar che ven de Marco Zardini, president la sozietà dei lifc Averau. N progeto bel, ambizios, con ben nuof pozeti per l inevament che l president l volarave mete a jì bele per i prim de dizembre de sto an. N progeto che, a gauja de valgune robe da mudà ntel proget (la senta dei tubi per fà passà l'aiva, ndr), l ciapa apena ades sua forma ultima e, darè l parer positif dat sabeda passada da le trei asemblee de le Regole da Col sul dà valgun taregn a la Sozietà Averau per mete ju i tubi del inevament (chis i passarà su taregn de le Regola Granda e sun n toch del consorzio de le trei Regole, ndr), dut avarave da ester aposto per pèe via coi laor. Ma l parer ultimo l vegnarà dà la conferenza dei servije de daredoman a Belum e dai doi comugn de Anpezo e Col. Nte la Usc de vender 15 de setembre l president de la sozietà dai lifc Averau Marco Zardini l ne contarà valch de pi su sto progeto e sui investimenc fai ntei ultimi mes sul lift de Fedare.

(De pi su la cuestion nte la Usc de vender 15 de setembre)

 (Giulia Tasser)