Col: liber de la biblioteca ruai a finì nte le scuaze

Data

13 de fauré 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Nte la azion de ricatalogazion de la medema l é oramai da calche stemana che pile de liber le rua a finì nte le scuaze. Noi de La Usc on provà de capì l parcé de chest.

Liber de la biblioteca ruai a finì nte la carta e, valgugn che ilò no i ava larch, adiritura portai al ecocentro co na gomata: chest ce che l é suzedù le stemane passade a Col a valgun dei liber de sua biblioteca. Liber che i é stai butai via intant l laor de catalogazion de la medema che l comun l é darè a portà navant auna al Istitut cultural ladin Cesa de Jan; butai via den vars per i agn che i ava, del auter per l argoment che s'à pensà no l fosse pi de interes per la nuova biblioteca che se metarà a jì nte calche temp. Indignazion da banda de chi che à vedù con suoi voge sta roba, ma, ven incia da pensà, parcé nte sti agn deguna persona da Col s'ala mai cruzié del fato che la biblioteca con suoi cuaji 4.000 liber la fosse juda n desmentia? Sti liber vege, inveze che ester butai, no podeveli ester dai a calche scola o a calche interessà de roba vegia? Eveli proprio da no podè pi duorà? De chest on descorest col vizecapocomune Carlo Agostini, che da agn, incia se ades no l li cataloga pi el de persona (de chest se cruzia ades n laurant del Istitut Cesa de Jan), l và darè a la cuestion de la ricatalogazion de la biblioteca da Col. Nte la Usc de vender 16 de febraro podaré lieje ce che Agostini l n'à contà su la cuestion. 

(De pi nte la Usc de vender 16 de febraro)