Reba: n tosat s'à ciatà davant a doi lof

Data

05 de merz 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Pericol scampà inier daremesdì a Reba per n joven de 13 agn che l s'à ciatà a scampà da doi lof che l à ncontrà su sua strada. L joven, darè ester ruà sun Burz col lift, l eva darè a tornà a pe del vars de Reba canche l s'à ciatà davant a ste doi bestie. Cheste, sebenche le fosse darè a magnè n capriol, na ota vedù l tosat le s'à otà del vars de el e i à metù man de ie jì incontra rabiose, mostrando i denc. Sprigolà da chest e spajemà per come che l'avarave podù jì a finì, l joven l à metù man de core del vars del pais, fin canche l à arjont la cesa de sa nona ulache l è ruà dut strasomee. La famea l'à delongo ciamà i carabinieri e l capocomune da Fodom per denunzié sta roba che la lassa vede come che l lof l siebe darè a deventà n pericol incia per la jent che và a pe. Nte la Usc de vender 09 de marz Lorenzo Soratroi l ne contarà de meo duta sta storia su le pagine de Fodom.