Scole da Fodom premiade a n concors de la Region Veneto

Data

23 de auril 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Na gran sodisfazion per nuosc tosac, che i s’à vadagné n bel premio col teater “Pán desdit l é bon mangé”.

I tosac de la 1^ mesana e n valgugn tosac de le elementari da Fodom i à vadagné l bel premio de 400 € per avei tout pert al concors “Tutela, valorizzazione e promozione del patrimonio linguistico e culturale del Veneto”, nvié via dal assessorat a l’identité veneta de la Region, dal Miur (Ufize scolastich regional per l Veneto) e dal Unpli (Union de le Pro Loco del Veneto). I tosac da Fodom i é stei premiei per la sezion “La lingua veneta nelle sue espressioni creative nel teatro, nella musica e nella poesia”, ulache i à podù tò pert come mendránza ladina del Veneto. L’idea de fè n teater coi tosac da scola l’é nasciuda n colaborazion col Grop “Insieme si può” Fodom, che vigni ann l organiseia na sëra de solidarieté per trè su scioldi per le miscion. Per chëla ocajion, la Elisa Costa, che la tol pert de chëst Grop, la s’à pensé de paricé pro n teater co nen valgugn tosac e l’à scrit ju l copion per fodom. La Elisa e la maestra de ladin Isabella Marchione i à colaboré e i à nsegné via i tosac, siebelo ntánt scola che davomesdì via. Ntánt le prove l é nasciù l’idea de realisé n filmat da mane ite al concors UNPLI per le scole del Veneto. Le riprese i é stade fate da Alessandro Manaigo da Ampëz, che con gran professionalité l é vegnù a tò ju i tosac e l à metù auna l filmat. Le riprese i é stade fate a Reba e a Verda: i tosac, biei vestis su per la pert che i ava da interpreté, petenei e truchei col aiut de la Sabina da Ornela, i é stei touc ju nte la hall e nte stua del Garni Serena, ilò defora e po ence nte stala del Raffaele Pëzol a Verda. Spo, n ocajion de la sëra “Carlescé de solidarieté” organisada dal Coro Fodom deberiada col “Insieme si può”, i tosac i à rezité n valgune scene del teater davánt a la jent e po l é sté proieté per ntier l filmat realisé.

(Plu foto e informazion sul concors nte la Usc de vender ai 27 de auril)