Inaugurada la mostra "Fodom: terra di suoni e di colori"

Data

18 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N pienon de jent chel ruà incuoi daremesdì nte le mejane de Brenta per vede la mostra dal stamp tecnologico e multimedial che i jovegn de le mejane da Fodom i à injegné con sua professoressa Paola Massalin. Darè i saluti portai dal dirighent de le scole de Ciaurì Giovanni Paolo Zanin e del diretor del Istitut cultural Ladin Cesa de Jan Denni Dorigo, i jovegn e sue famee i à bù modo de cugnesse l prof. Nicola Scognamiglio de l'università Cattolica de Milan, università che l'à impujà dal pont de veduda logistico dut l laor dei jovegn fajendo in modo che i podesse ciarié sul PAV (na piataforma multimedial pensada da la università medema) dute le foto, interviste, video, prejentaziogn che i feva a luoch e persone de la val e de ie mete incia la localizazion. Na mostra saurida, ulache jovegn e genitori con n semplize smartphone i à liet dareman i desferenc codizi QR per podè aprofondì i argomenc che i se ciatava davant. Davant che i genitori i podesse jì a vede la mostra, i jovegn i à sonà e centà valgune canzogn fodome, segn chest den proget che à ciapà ite la cultura ladina sot pi ponc de veduda.

(De pi su la mostra su la Usc de vender ai 25 de mai)