Col: dal 27 de otobre no ruarà pi degun dotor

Data

18 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Dal 27 de otobre degun dotor ruarà pi a curvì l servije de dotor de famea nanter Col e Selva. Chest ce che se capis da na letera mandada da la Ulss de Belum e ruada fora per le cese de Col nte sti di. La jent da Col l'avarà donca da dezide con ce dotor se scrive ite nanter l dott. Pietro Demattia (Fodom), l dott. Claudio Allegro (La Rocia) e l dott. Agostino Mascanzoni (Alie) che i ciolarà su jent fin a canche no i arjonjarà l numer masimo de pazienti che i podarà ciò su. L mudament de dotor l podarà ester fat al ufize prenotaziogn del ospedal de Agort dal lunes al vender da le 07.30 a le 13.00 o, la stemana dal 29 de otobre al 02 de novembre, nte cesa de comune de Selva da le 08.30 a le 12.30 e da le 14.30 a le 16.30. Da chel che se liez su la letera, l dott. Demattia l avarave da vegnì ntel ambulatorio de Col, chi auter doi nte chel de Selva nte orari e giornade ncora dute da dezide.