1. pest per la inuvazion pra l Forum Alpbach

Data

20 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Doi jëuni de Urtijëi vënc cun na idea revoluzionera
Tuedes y inuvazion - N dumënia ai 19 de agost 2018 iel, ntan i dis europeics dl Forum Alpbach, unì premià plu jëuni che à fat pea pra l cuncors Euregio.
L pest per l miëur tuadëur jëunn ie unì dat ora per l setimo ann y ie unì venciù da Hannes Schuler. Nuef fova l pest per la miëura idea de na firma, per nvenzions o nrescides.

Chësc pest ti ie jit a doi jëuni de Gherdëina, Moritz y Matthias Moroder.
I doi fredesc lëura bele plu ani sun na idea nueva. Tl 2015 ài metù su l “Startup FlyingBasket“ metan adum na sort de drone, tlameda multicopter, che possa purté 100 chilo de material y che funziunea a lectrisc. Nscila ti dajëssa chësta nvenzion nueva l mesun a huties de se lascé julé su d’uni sort de cosses zënza messëi tò n joler che costa deplù, che fej plu fuera y che ie sambën nce plu de dann per l ambient. Na bona auternativa nce per joi de aiut, per nrescides o te situazions ulache n joler ie massa grant.

Tla edizion longia de n vënderdi ve prejenterons plu avisa i doi fredesc Moroder y si proiet.  (Simon P. Moroder)