Mostra "n memoria" dl scultëur Vinzenz Peristi

Data

18 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N merdi iel stat la giaurida dla mostra te Tublà da Nives te Sëlva

Chëst ann iel avisa 75 ani ca che l scultëur Vinzenz Peristi ie mort. Per chësta ucajion iel unì metù a jì tl Tublà da Nives na mostra n si memoria. Vinzenz ie nasciù tl 1909 sun l luech da Banch sa Sacun. Si prima furmazion artistica giapa Vinzenz tla Scola d’Ert de Sëlva ti ani 1923/24 y 1924/25. Si maester ie Albino Pitscheider. Daldò vàl a lauré  tla berstot  de Rudolf Vallazza a Urtijëi. Tl 1928 vëncel a Milan l cuncors “Presepio in famiglia” cun na si gran cripl. Do avëi fat l saudé a Roma mëtel man de lauré coche scultëur te cësa di siei sa Sacun.

Sensazion à zënzauter descedà l gran crist che Vinzenz à ziplà deberieda cun Batista Walpoth d’instà dl 1933 y che ie sun Sëurasas. Ël mpera a cunëscer per cajo l scultëur Josef Thorak, artist ufiziel statel ai tëmps de Hitler. Vinzenz tol la dezijion de jì a viver, a studië y a lauré a Minca. Tl 1942 vëniel cherdà pra i saudeies y mor sun la front russa ai 25 de juni dl 1943.

La mostra resterà davierta da merdi nchin dumënia dala 16 nchin la 19. De sada y de dumënia saràla nce davierta danmesdì dala 10 nchin la 12. N Unissant iela stluta.

Suna la fotografia: lëures de Peristi (foto de Milva Mussner).