Rina: ciamó na proposta por la plaza

Data

18 de mei 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le Comun de Mareo á cherdé ite la popolaziun da Rina por presenté na secunda proposta por la plaza de paisc. Ala maiú pert di presënc i plejera.
Sëgn pól ester che ara garetes, cun la plaza nöia da Rina, y ince cun la frabica nöia che dess tó ite le post dla majun dl Mone, bel tl zënter. L’aministraziun comunala de Mareo á en mertesc ai 9 de ma cherdé ite na reuniun cun la popolaziun dl paisc sot Col dla Vedla, por presenté la proposta nöia de soluziun che i architëc conesciüs Pedevilla da Bornech â arjigné ca por cunt dl Comun. I podun ince le dí danfora: na proposta che á ciafé la gran pert de azetanza danter la tröpa jënt rovada alerch a d’ascuté sö.
Cina che an é rová a chësta soluziun, ára indere doré n pez, deache la chestiun é stada ti ultims mëisc n pü’ movimentada.
La serada é gnüda daurida dal Ombolt Albert Palfrader, che á splighé danfora l’iter che an é jüs les ultimes edemes y á baié de ”na bela plaza y de na boniscima cossa por le paisc da Rina”. N proiet olache an ó cherié n post d’incuntada por la jënt y n post olache la popolaziun se stá saurí. La presentaziun dl proiet é spo gnüda tignida dal architët Armin Pedevilla, che á daimproía ilustré les reflesciuns che stá do chësta soluziun.

T’La Usc di Ladins di 19 de ma ves presentunse la proposta plü avisa, la partiziun dl frabicat y ince val’ osservaziun dla jënt.  (pablo)