Badia: ai 15 de jügn deura la ”Bancarela dl mangé”

Data

14 de jugn 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Cun i 15 de jügn pëia ia a Badia n sorvisc nü: n iade al’edema podarán jí a se do - debann - patüc da mangé che á na data de scadënza daimpró, mo pó sambëgn ciamó gní adoré.
Le talian ti dij ”Banco alimentare”, le Comun de Badia l’á tlamada la ”Bancarela dl mangé”. I baiun de n sorvisc nü che piará ia cun i 15 de jügn. Tl ex local d’La Usc di Ladins a Badia, tanco tla Ciasa di Pici basite, gnarál vigni jöbia dales 9.30 ales 11.00 partí fora patüc da mangé metü a desposiziun dal Despar da La Ila. Ara se trata de patüc cun data de scadënza dër daimpró, che pó sambëgn ciamó gní mangé. Deperpo che i produc frësć sciöche lat, iogurt etc. mëss gní consumá anter püc dis, él d’atri produc che an pó zënzater ince consumé do la data de scadënza, sciöche pasta o biscoti, por fá dui ejëmpli. Le sorvisc é ponsé suradöt por porsones y families che sint deplü le pëis finanziar. Por ci che reverda le funzionamënt dla ”Bancarela dl mangé”, sarál n grup de volontars che fistidiará edema por edema da jí a do le patüc da mangé, deperpo che le sorvisc da partí fora la spëisa gnará surantut tres la Banca dl Tëmp Badia, cun la coordinaziun de Antje Castlunger y Igi Dapunt.

Deplü ciafëise t’La Usc di Ladins di 9 de jügn 2017  (pablo)