Sce al é nou, spo él nou!

Data

16 de jugn 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le Consëi Comunal de Badia dij por le secundo iade de nou al’adejiun al sistem SPRAR por tó sö muciadus. En chësc iade ál falé döes usc: 10 a 8
Sciöche al é gnü fat tl Comun da San Martin, án ince tl Comun de Badia fat n secundo tentatif por l’adejiun al sistem statal SPRAR por l’assunziun de muciadus. Deperpo che San Martin á impó ciamó dit de sce, á le Consëi Comunal de Badia ciamó n iade dit de nou, sciöche al â bele fat tla reuniun di 10 de forá. Iló êl sté na usc sora de desfarënzia danter i sce y i nou. En chësc iade êl n aconsiadú implü co ai 10 de forá y chësc á ince dit de nou, porchël án albü le resultat de 10 aconsiadus decuntra, respet ai 8 aconsiadus che foss stá por l’adejiun. La reuniun é stada le vëndres ai 16 de jügn y en chësc iade êl ince gnü invié le diretur di Sorvisc Soziai dla Comunité de Val Gebhard Mair, che á presenté plü por menü sciöche le SPRAR funzionëia, ci che al prevëiga, ci compic che la Comunité surantol y ci compic che i spetass al Comun. Nia de fat, le Consëi á dit de nou, y chësc zënza na discusciun. Ci che al ê da dí é bele gnü dit ai 10 de forá. Insciö án te Puster sëgn la situaziun che feter düc i comuns tol pert al SPRAR (Prettau mëss ciamó fá la deliberaziun, mo aladô de Mair él tanco sigü che ai fej para). Ma dui ne fej por intant nia para: Badia y Corvara.

Deplü sön la reuniun ciafëise t’La Usc di Ladins di 23 de jügn.  (pablo)