Dëideme, y i fajará dassú!

Data

13 de messel 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Marta Moling da La Val á fat le percurs de scora Montessori, n model alternatif y plü orienté ai ritms y interesc dl möt. Sëgn ára stlüt jö la scora alta.
Le pinsier pedagogich de Maria Montessori se fondëia sön la realisaziun de n ambiënt arjigné scientificamënter por pormëte le svilup dles abilités cognitives, soziales y morales de vigni porsona umana. L’interes dl möt vëgn descedé cun tecniches d’insegnamënt che respetëia l’indivdualité de vignun y lascia i mituns lëdi da lauré do so ritm y sü interesc personai, svilupan insciö inteligënza y creativité. I mituns coltivëia a chësta manira na personalité democratica y daverta al monn.
Le material educatif y les ativités ti dá al möt la poscibilité da tó sö conescënzes nöies te na manira individuala che al se chir fora instës sü impëgns personai. Vigni material educatif dëida descurí na pert dl monn y dla natöra, daidan le möt imparé da sü fai y a reuní l’aspet cognitif y imaterial cun le material fisich. Insciö vëgnel favorí la conzentraziun, l’autodisciplina y la coriosité. I insegnanc condüj, favorësc y dëida i mituns da se svilupé y crësce autonomamënter, do so ritm individual.
Sce i pënsi do a canch’i ê picera me recordi na compagna che me mostrâ tres indô danü ci bel che al ê por ëra da podëi imparé cosses nöies y lascé crësce süa esperiënza a scora. Marta Moling, che á fat la scora Montessori a Balsan, á incö 21 agn y á stlüt jö cun de bugn resultac la scora alta. I se l’un cuntada impara.

La Usc: Marta, co s’ál pa porté pro che t’es ruvada tla scora Montessori?
Marta Moling: Döt á metü man cun mia mama y n pice grup de geniturs, l’idea ê da cherié n ambiënt adaté por imparé, n’alternativa ala scora publica. Metü man ára cun i geniturs de 6 mituns che s’á metü adöm y á tut la dezijiun da jí do la filosofia de Maria Montessori. La filosofia de Montessori se basëia söl cherié n ambiënt plü adaté al möt por podëi crësce cun so ritm, sü debojëgns y la liberté da crësce autonomamënter. Le proiet é spo chersciü tres deplü y al é ince gnü tres plü jënt lapró; sëgn él plü o manco 30 mituns dailó.

Döta la intervista ciafëise t’La Usc di Ladins di 14 de messé  (Mara Miribung)