Jí sön Wikipedia, ince por ladin

Data

12 de otober 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Ci che i grijuns á bele da n pez, dess sëgn ince i ladins dles Dolomites avëi: i baiun de na Wikipedia Ladina strotorada. Te na conferënza stampa él gnü presenté le proiet, la situaziun atuala y i vari che an ó fá tl dagní.
Düc chi che adora l’internet, röia defata pro öna na parora: ”Wikipedia”, la famoja enziclopedia daverta online, che vëgn ajornada y ampliada de por de dal savëi de cënc de milesc de anuzadus. Wikipedia ne n’é nia la Bibia, mo bëgn él na fontana che tröc adora por chirí informaziuns ti ciamps plü desvalis. Aldedaincö é la enziclopedia ”Wikipedia” da ciafé te bëgn 291 lingac, y picia coriosité: danter chisc ince le Rumantsch Grischun. N lingaz che mancia ciamó é nosc ladin dles Dolomites, mo chësc dess defata se mudé. Chësc é gnü comuniché inier jöbia ai 12 de otober te na conferënza stampa a Balsan. L’idea da realisé na ”Wikipedia Ladina strotorada y autonoma” é gnüda da Susy Rottonara dl Departimënt Educaziun y Cultura Ladina, en gaujiun de n proiet INTERREG, olache ara é rovada adöm cun plü ”wikipedians”, sciöche i operadus dla enziclopedia vëgn tlamá. Le Departimënt sostëgn sëgn ince chësc proiet, che gnará concretamënter porté inant dal’Intendënza Ladina, adöm cun nostes scores.

T’La Usc di Ladins di 13 d’otober ciafarëise plü detais sön le proiet. Ci che an á bele fat, ci che an fej y co che ara dess jí inant concretamënter.  (pablo)