Le ”Calënder Ladin 2018” é chiló

Data

10 de november 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chisc dis án metü man da jí a vëne la ”pratica ladina” fora por les ciases. La presentaziun sará ai 17 de novëmber a San Martin de Tor.
Chisc dis él rové adalerch - frësch de stampa - le Calënder Ladin 2018. La ”pratica ladina”, sciöche ara vëgn gonot tlamada dala jënt, i é iniann dedicada en particolar a so fondadú siur Angel Morlang, nasciü dl 1917, tan co dan 100 agn. De siur Angel podarán lí do tl Calënder Ladin süa biografia y süa ativité plü importanta por l’ert y la leteratöra ladina, sciöche ince na süa cuntia laurada fora danü.
Al ne manciará sambëgn nia d’atres stories, testemonianzes y recordanzes de vita de porsones y personalités dla Val Badia. Insciö podarán lí deplü sön la vita dl curat y ex degan siur Franz Sottara, Cleto Dorigo da La Ila, Marianna dl Ombolt da La Pli, André Videsott d’Al Plan y Florian Alfreider da Calfosch. Döt cant vëgn incornijé da stories, cunties, poesies y pinsiers, sambëgn zënza desmentié la pert rica dedicada ai retrac vedli, olache jënt ará indô tröp de interessant da odëi y conscidré. Le Calënder Ladin vëgn ince iniann venü fora por les ciases, plü avisa da Federico Davare tla bassa Val Badia cun La Val lapró, y da Robert Burchia por i paisc dl’alta valada. La presentaziun ofiziala dl Calënder Ladin é en vëndres ai 17 de novëmber dales 17:00, tl Ostí Nicl a San Martin.  (pablo)