Stizes de stëres: 3 por Niederkofler (St.Hubertus), 2 por Metullio (La Siriola)

Data

16 de november 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En gaujiun dla presentaziun dla Guida Michelin 2018 incö danmisdé á stizé le cil tl’Alta Badia: Norbert Niederkofler dl Restorant St.Hubertus c/o Hotel Rosa Alpina y Matteo Metullio dl Restorant La Siriola c/o Hotel Ciasa Salares a San Ciascian arjunj trami na stëra implü. Confermada la stëra al Restorant La Stüa de Michil c/o Hotel La Perla cun le chef Nicola Laera.
Norbert Niederkofler arjunj la terza stëra y röia söla lista di nü restoranc dla Talia tristerá Michelin. Le chef dl Restorant St.Hubertus a San Ciascian â podü pié do dl 2000 la pröma stëra Michelin, na secunda âl arjunt lapró spo dl 2007.

Da öna na stëra a döes passa sëgn Matteo Metullio, ann 1989, che é da Triest y é chef de ciasadafüch al restorant La Siriola a San Ciascian.

Gran festa por i dui patruns di restoranc y hotí: Hugo Pizzinini resp. Stefan Wieser.

La stëra Michelin ti é gnüda confermada inant al restorant d’La Perla a Corvara "La Stüa de Michil" cun le chef jonn y ambizius Nicola Laera.

Gran contentëza ince por l’AT Badia y le Consorz Turistich, le diretur Roberto Huber baia de prestisc por döt le raiun turistich y por döta l’oferta turistica dl raiun badiot-dolomitich y se complimentëia cun i trëi coghi y döt so staff por le bel palmares de bëgn sis stëres Michelin.

Deplü tla Usc stampada te otedé!



 (Iaco Rigo)