Gran aplaus por Martin!

Data

17 de november 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En gaujiun dla sentada generala dl’Assoziaziun Turistica d’Al Plan/San Martin, án ince tut comié dal diretur Martin Resch.
La jöbia ai 16 de dezëmber da sëra él sté a Al Plan la sentada generala dl’Assoziaziun Turistica d’Al Plan/San Martin. Por öna na porsona êl por n iade l’ultima: le diretur Martin Resch, rové a Al Plan dl 2008 por manajé l’AT y che vá sëgn zoruch te Gherdëna por lauré pro la Unité de Destinaziun ost (DME ost) dla lia turistica nöia IDM Südtirol. Te chësta reuniun él porchël ince gnü recordé n valgönes tapes importantes che Martin Resch á acompagné tl’AT: danter chëstes la reorganisaziun y profescionalisaziun dl’aministraziun interna tl’AT, la comunicaziun cun i mëmbri, le potenziamënt dl sorvisc de trasport publich d’isté y d’invern, la fujiun cun San Martin, la creaziun de manifestaziuns nöies.
Martin Resch á ciafé aprijamënt de vigni vers por le laur che al á fat a Al Plan: in primis dal presidënt dl’AT Werner Call (”9 de bi agn”), dai ombolc de Mareo Albert Palfrader (”I tignarun n bel recort, te saras dagnora bëgnodü”) y San Martin Giorgio Costabiei, cina al presidënt dla Sozieté di Lifc Georg Mutschlechner y le chef de Al Plan Events Willy Kastlunger. Sciöche scincunda de comié ti án scinché na caricatöra realisada da Edmund Nagler y ala fin é düc lová sö por le saludé cun n gran aplaus.
Sce al é sté l’ultima sentada por Martin, él sté la pröma por le diretur nü Karl Runggaldier, che á albü la ocajiun da se presenté y ince da porté dant n valgönes de sües idees por le dagní.

De chësc podarëise lí deplü t’La Usc di 24 de novëmber, olache i cuntarun ince di punc plü importanc metüs sön mësa tla reuniun generala, dles novités por la Copa dl Monn dles ëres y de co che ara ti é jüda al diretur nü dla DME Ost Thomas Plank, che á presenté le conzet de reforma turistica.  (pablo)