No ala svenüda dla patria ladina!

Data

06 de dezember 2017

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Apel da pert dl partí "Süd-Tiroler Freiheit" en gaujiun dla trataziun dl argomënt da vëne o manco les vincolaziuns söles abitaziuns tl comun de Badia
Le partí "Süd-Tiroler Freiheit" se detlarëia cuntra la eliminaziun dla convenziun de abitaziuns tl comun de Badia - n provedimënt, che vëgn ghiré da zitadins influënc dl post.

Cristian Kollmann, mëmber dl comité provinzial dl partí "Süd-Tiroler Freiheit" dij: "Por i patruns dles abitaziuns convenzionades nen vara ma da podëi ti afité resp. ti vëne a turisć interessá y dal mö’ les zirca 200 abitaziuns. Chësc ó dí svenüda dla patria! Porsones jones dl post vëgn sforzades plü y plü da jí a chirí da abité tl comun de San Martin de Tor, ajache les tröpes abitaziuns ti paisc dl comun de Badia é ma a desposiziun di zitadins dl post ti mëisc d’aurí-ma, y nia zënza - che iló vëgneres afitades ia a turisć.

L’aconsiadú provinzial Bernhard Zimmerhofer recorda te chësta ocajiun a süa proposta de lege dl 2014. Cun chëra gnô le govern provinzial invié da deliberé n limo cuntra la svenüda, mo al gnô dejaproé dales usc dla SVP.

"Lapró orunse recordé che le Comun de Badia ó cina aldedaincö evité i controi da pert dla Provinzia dlvers dles abitaziuns convenzianades", deltarëia le partí "Süd-Tiroler Freiheit". Y inviëia i aministradus politics dl Comun de Badia da lascé tomé les intenziuns de desconvenzionamënt: "Le mantignimënt y la sconanza dl popul ladin mëss ester plü importanc co i interesc finanziars de püc aministradus de comun!"

Bernhard Zimmerhofer, aconsiadú provinzial
Cristian Kollmann, mëmber dla direziun provinziala de partí