É chësc to post?

Data

11 de jené 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tres indô sozedel che i posć da parché por porsones cun handicap vëgn ocupá da porsones che n’á nia le dërt.
Ester ne n’él nia n fat che reverda ma un n paisc su, mo baldi na ”coia” che s’á slarié fora n pü’ indlunch. I baiun dl ”bur viz” de valgünes porsones - por fortüna sanes - da ocupé cun so auto i posć da parché resservá por porsones cun handicap. Nia atramënter n’éra tl paisc d’Al Plan, olache an mëss tres indô constaté chësta mancianza de sensibilité. Le Comun de Mareo á porvé da ti baié ala cosciënza, meton sot la tofla ince la scrita ”É chësc to post?”. La domanda é tlera, mo al n’é tres ciamó cotanc che arata: ”poa, chësc é mi post”, ince sce ara n’é nia insciö. Magari pënsi che al é pö ma por 5 menüc, magari mancel scemplamënter la vëia da jí 30 metri plü insö a se chirí na plaza da parché che ti speta. A vigni moda messasson bonamënter dagnora porvé fora instësc le handicap, por podëi capí ci che al ó dí ne ciafé nia lerch, messëi jí dalunc dal post de destinaziun y s’armöie magari cun croces o forsc sön n scagn da rodes. Na limitaziun che vëgn ciamó maiú sce ara é sciöche iniann, cun nëis y ciates te y dlungia strada.

T’La Usc di Ladins di 12 de jená podëise lí ci che al ti é sozedü a na porsona d’Al Plan y ci motivaziuns che la verda de Comun alda canche valgügn vëgn abiná söl fat.  (pablo)