Turism Val Badia: bele indô n rècord!

Data

13 de fauré 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Val Badia arënta dl 2017 pro i 2,9 miliuns de pernotamënc, mo nia indlunch ne crësc le turism anfat: Corvara vá zoruch, Badia é stabil, Al Plan y San Martin crësc polito y La Val fej propi n salt demorvëia.
Baudié ne pón bëgn no. Altamo nia por le turism tla Val Badia. Do i buniscimi resultac dl 2016, che ê sté le miú ann de düc i tëmps, án dl 2017 indô metü sö n rècord nü: 2.898.882 pernotamënc án registré tles cater assoziaziuns turistiches dla valada. Che ara jô bun, o che i operadus turistics s’aspetâ che ara jiss bun, s’un intënon ince dala buna orenté ti investimënc. I artejans á albü gran noto l’ann passé por ti ester manëcia da ti sté do a düc i laurs. Les statistiches turistiches confermëia le trend positif y ince che le turism vá plü co bun, tan inant che la parora ”bun” vëgn ma mosorada cun zifres. Por ci che reverda i resultac, é la valada indere partida sö te trëi perts, cun i majeri comuns dl’Alta che vá da na flesciun cina a stabilité, la Bassa che pó se ralegré de n bel plus, cina a La Val amezite, che á en chësc iade n plus a döes zifres.

T’La Usc di Ladins di 16 de forá podarëise lí do plü avisa tan che le turism é chersciü tles assoziaziuns turistiches desvalies, olache i todësc é stá fora cotan. Y le presidënt dl’AT La Val Felix Dapoz nes á dit co che l’isté á podü crësce te so paisc dl 17,50%.  (pablo)