Splijina de pesć sön ciases modernes

Data

24 de fauré 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Do le "german design award 2015" tla categoria "architetöra y lerch urbana", á i "Pedevilla Architects" podü pié do sëgn por le medemo per de ciases a Pliscia le "german design award 2018" tla categoria "design de comunicaziun ezelënta tla architetöra".
Tla Val Badia él ruvé dlungia al pest por la Ticia dla Tistlaria Complojer (letira che crësc cun le möt y i mituns) ciamó n pest: por le per de ciases La Pedevilla a Pliscia.

Le "german design award" premiëia produc y proiec inovatifs, sü produturs y ideadus, che dá dant le dagní dl design tl scenar todësch y internazional. Por che chësc garetes se impegnëia na juria competënta internazionalmënter. Al é n concurs che descür y presentëia trends da ti dé forma ales cosses unics y straordinars, por svilupé ince inant l’economia orientada al design.

Le comples d’abitaziun "Alpine Residence & Chalet La Pedevilla" a Pliscia te Mareo á podü pié do chësc ultim pest en gaujiun dla "Messe Ambiente" ai 9 de forá 2018 a Frankfurt. Al é n titul de prestisc por la "comunicaziun ezelënta" dla forma architetonica dles döes ciases di fredesc Pedevilla y Caroline Willeit. La motivaziun dla juria: "I dui corps architetonics ponüs ite tl ensemble de ciases de munt te n sit cotan idilich interpretëia cun förtl la maestria de costruziun tradizionala dl post y la combinëia a na mainira delicata cun na architetöra moderna a n conzet che acorda. Sides daite co defora gareta l’idea. N bel oget che se inserësc perfetamënter tl stil frabicatif local y ince tla contrada naturalistica de morvëia." Les döes ciases tla Val Badia che fej pert de na vila ladina surantol y desmostra la cultura de ciasa y majun söl lüch da paur; ornamënc regionai y mersces carateristiches sciöche le tët da döes ares o la falzada esterna sotrata cun brëies de lëgn vëgn mostrá danü. Trames les ciases é gnüdes corades cun petun da odüda ("Sichtbeton") y deforaia sotrat cun lëgn de lersc fosch. Le petun da odüda y le cier plané a man cheriëia tles stües na convivënza atmosferica.