Chestiuns de jonëza

Data

24 de fauré 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I un baié cun Valentin Erlacher - coordinadú dl Sorvisc ai Jogn Val Badia, che nes á dit deplü sön les novités ti proiec da d’isté, mo ince sön d’atres chestiuns che atoca la jonëza.
Dan da püch é jorada tles ciases dla Val Badia la brosciüra cun i proiec da d’isté dl Sorvisc ai Jogn Val Badia. Nos un tut chësta ocajiun por baié cun le coordinadú dl SaJ Valentin Erlacher, sön les novités che le program pîta, mo ince sön d’atri temesc, sciöche la situaziun dla jonëza, les problematiches di jogn, le bojëgn da podëi ester mituns, zënza messëi tresfora gní moserá y confrontá.

La Usc: Valentin, la brosciüra dles iniziatives da d’isté é indô jorada tles ciases cun La Usc. Dlungia i proiec conesciüs nen vëigon n nü - le ”My Summer”. De ci se tratera pa?
Valentin Erlacher: En chësc ann unse n pü’ trat sotissura les fasces d’eté. I ultims agn unse fat le ”Isté deboriada” por la scora elementara y le ”Cool summer” por la scora mesana. Implü gnôl organisé val’ edemes de aventöra por i plü gragn. I un odü che la spana d’eté dala 1a ala 5a elementara ê massa grana y che i mituns ne tolô nia pert 5 agn alalungia. Insciö unse organisé l’Isté deboriada dala 1a ala 4a elementara, le Cool summer dala 5a elementara ala 2a mesana. Lapró él gnü n proiet nü, le ”My summer” por i jogn dala 3a mesana ala 2a scora alta. Chësc ince por sfruté al miú i contribuc che la Provinzia dá ca por jogn cina ai 15 agn. Sura i 15 agn pó i jogn jí a lauré y chël é bun insciö.

Tles ativités ciafon cursc de vigni sort, por i maius ince cotan d’edemes d’aventöra. Tan inant él pa porí devertimënt, tan inant él pa n fin pedagogich doía?
Personalmënter arati che i mituns ais aldedaincö ciamó deplü debojëgn da podëi ester mituns y se devertí, ince deache tratan döt l’ann ési tresfora sot a presciuns da vigni pert. Bele dala scora elementara insö mëssi porté a ciasa de bogn resultac, chi che pratichëia sport fossel dërt che toless pert a competiziuns y davagnass, chi che sona val’ stromënt messass ester danter i mius y insciö inant. Le devertimënt é por me ince ala basa por arjunje n fin pedagogich che n proiet pó avëi. 

Döta la intervista ciafëise t’La Usc di Ladins di 23 de forá  (pablo)