La Val: i migranc é rová alerch

Data

13 de merz 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le mertesc ai 13 de merz él preodü che al röies te calonia da La Val i 5 migranc assegná tres le proiet SPRAR.
Al é passé püch plü co n ann y mez da chël de di 2 d’agost 2016, canche al ê sté a La Val la serada publica sön l’assunziun de muciadus. Al ê sté na serada dër cialda y animada. Iló gnôl ciamó baié de n grup de 25 porsones che ess messü rové te paisc, te na ciasa de privac. Cina incö él gnü fat cotan de vari inant y suradöt ince mudé jö le sistem, passan da n gran grup ala partiziun te de pici grups ti comuns desvalis de Südtirol. Döt chësc é conesciü sciöche proiet statal SPRAR, che prevëiga n cuoziënt de 3,5 muciadus vigni 1.000 abitanc.
Por La Val orô chësc dí 5 porsones, che é cun i 13 de merz 2018 sëgn rovades adalerch. Tl grup él dui ëi dal Pakistan, un dala Nigeria, un dal Mali y un dal Senegal. Le grup á ciafé lerch te n cuatier tla calonia de paisc, che é gnü adaté y ince arjigné ite cun patüc che la jënt á dé ca de buna man. I migranc gnará acompagná da personal cualifiché. La Val é insciö le pröm comun dla Val Badia che tol sö n grup de migranc tres le proiet SPRAR. Tosc dess gní do Mareo, olache i contrac por la ciasa ”Sanví” a Longega dess sëgn ester a post.  (pablo)