Alta Badia: +15% de ghesć

Data

12 de auril 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chësc invern é stada na sajun da récord por ci che reverda les gnüdes turistiches y nöts tl raiun dl’Alta Badia: an sciazëia n plus dl 15% tles gnüdes y n plus dl 10,4% tles presënzes (ti pernotamënc). La novité tla organisaziun interna á inom ABB (Alta Badia Brand). Tosc na assoziaziun turistica sora por i cin’ paisc dl’Alta Badia
Do che l’Assoziaziun Turistica da Corvara s’â senté adöm inier domisdé a süa sentada anuala por l’aprovaziun dl cunt consuntif y l’analisa dla sajun da d’invern passada, é ince ruvé adöm a La Ila y mëmbri dl’Assoziaziun Turistica de Badia por i paisc de San Ciascian, Badia y La Ila.
L’Alta Badia jará tl dagní cun l’ABB-Alta Badia Brand (presidënt Andy Pertot, vize Claudio Canins, diretur Roberto Huber) y s’organisëia ince bele por razionalisé le laur danter les trëi assoziaziuns turistiches (che ê adöm cina ai 31 de dezëmber 2017 tl Consorz Turistich Alta Badia) y les lié adöm te na "aziënda" sora.
Tratan la sentada á l’Ombolt Iaco Frenademetz alzé fora le problem dla stlüta dles ostaries y di bars ti trëi paisc, invian i ustis a se senté adöm y fá fora n plann por che al sides almanco öna na ostaria y/o un n bar davert te vigni paisc. Le presidënt di Ustis tl comun de Badia Markus Valentini á rebatü da laoré te chësta direziun por ciafé na soluziun al problem di paisc "morc fora" fora de sajun.

Cotan deplü y de interessant tla ediziun stampada de La Usc di Ladins te otedé!  (Iaco Rigo)