Corvara tla smorzia

Data

26 de auril 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Provinzia ti tol contribuc al Comun, sce al ne tol nia sö asilanc. Anter i 31 de ma 2018 messará le Consëi de comun dí "ia o ca". "Al é n afrunt ales autonomies locales y n sforz fora de mosöra", dij l’Ombolt Robert Rottonara

Tan che le numer legal ê arjunt incö da doman por la sontada dl Consëi de comun a Corvara: ot i aconsiadus indöt. Al ordin dl de ince l’argomënt "Finanza locala 2018 - tuta a conescënza dla 1. acordanza de injunta di 13 d’aurí 2018 (arjunjimënt mancé dla cuota di asilanc) y discusciun de mascima".
Le Comun da Corvara n’á cina sëgn nia dé pro da tó sö asilanc sön so teritore, ruvan sëgn tla smorzia dla Provinzia che se damana che Corvara toles pert al progam SPRAR o che al messará renunzié aladô de na acordanza ajuntiva por l’aplicaziun dl art. 3 dla L.P. nr. 27/1975 al 20% dl contribut provinzial por les investiziuns anuales (che fej fora por le Comun da Corvara presciapüch 142.000,00 euro por chësc ann y podess ester le medem zirca ince n ater ann). D’atri scioldi podess le Comun perde da pert da Balsan por le proiet deboriada cun Badia dla costruziun dla scora mesana nöia a La Ila.

Indoman da doman röia adöm le Consëi de comun de Badia por nen baié danter l’ater dla medema cossa: sce Badia ess da dé pro l’adejiun al SPRAR, spo ess Corvara le ciol veramënter trat pro!

Iaco Rigo