Tosc le "Laldun le Signur" nü

Data

20 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le liber nü che dess adaté le "Gotteslob" todësch nü ala Val Badia y sostituí le SYN gnará fora de Carsëma dl 2019
Sön iniziativa, motivaziun y organisaziun dla Seziun Cors de dlijia sot l’EPL-Ert por i Ladins êl gnü ponsé dl 2012 da mëte en pe tla Val Badia n grup de interessá y esperc por lauré fora danü le SYN, do che les Diozejes catoliches todësces â stlüt jö l’elauraziun dl "Gotteslob" nü, liber de oraziuns y cianties por düc - che ê spo gnü presenté ofizialmënter en Pasca de Ma dl 2014 a Balsan.

Te na reuniun stada a San Martin de Tor de jügn dl 2014 êl gnü dé löm vërda al proiet por le liber de cianties y oraziuns te dlijia nü por la Val Badia y ai grups de laur. Le liber nü (l’inom sará ciamó da definí avisa, ponsé vëgnel ince al titul "Laldun le Signur") gnará dé fora dal’Unité pastorala Val Badia, cun le "nihil obstat" dla Diozeja de Balsan-Porsenú. Le coordinamënt dl proiet pënsa ai mëisc de forá - merz 2019 sciöche terminn de publicaziun. 

Tröpes y tröc á laoré chisc ultimi agn te deplü comisciuns por cöie adöm cianties y oraziuns, fá traduziuns y composiziuns, y ciaré jö döt le material, danter chëstes y chisc: siur Paul Campei, Iarone Chizzali, Elio Clara, Tone Gasser, siur Franz Sottara, siur Pire Irsara, Marlies Frenademetz, Teresa Plazza, Franz Rigo, Lois Craffonara, Tone Gasser, siur Iaco Ploner, siur Degan, Flavia Marzano, Carlo Suani, siur Heinrich Perathoner, Annamaria Fiung Comploi, siur Eugen Runggaldier, siur Ulrich Fistill, P. Urban Stillhard, Franz Comploi, Giuvani Mischi y dr. Stefan Huber. 

L’EPL se crüzia dles pratiches aministratives y iuridiches liades a chësc liber tan important por la Val Badia, ince deache al é por la maiú pert ladin.