Copa dl Monn: confermes por Alta Badia y Plan de Corones

Data

17 de mei 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A Costa Navarino tla Grecia él dai 13 ai 19 de ma le 51ejim congres internazional dla FIS. Trëi gares de copa dl monn tla Val Badia.
De bunes noeles dal congres internazional dla FIS a Costa Navarino, che á porté les confermes por deplü gares de copa dl monn tla Ladinia. Le spetacul mët man de dezëmber, olache al sará indô tl’Alta Badia ai 16 le gigant di ëi sön la Gran Risa y ai 17 le paralel da sëra.
Por le raiun de Plan de Corones él gnü confermé por i 15 de jená 2019 la terza ediziun dl slalom gigant dles ëres sön la pista ”Erta” d’Al Plan. Na novité é le slalom gigant di ëi de Copa Europa, che é preodü dui dis dedô, por i 17 de jená, tres sön la ”Erta”, ince sce la confermaziun gnará pormó da d’altonn.
La Copa Europa fajô tapa chisc agn bele de dezëmber, cun le city event paralel da sëra sön la ”Cianross”. La gara spostada de jená rapresentëia por l’organisaziun de Al Plan Events na sauridanza logistica, deache les infrastrotöres vëgn metüdes sö un n iade por intrami i evënc, y dl ater vers n’án forsc nia bria da sté cun trica por la nëi, ci che se damanâ de dezëmber dagnora n gran sforz.

Chëstes n’é nia les sores gares tla Ladinia, deache bela ai 14 y 15 de dezëmber 2018 él söl program le Super G y la discesa di ëi ian Gherdëna, deperpo che ai 19 y 20 de jená 2019 se sposta le carussel di schi ian Ampëz, por les döes gares dles ëres sön la ”Olympia delle Tofane”.  (pablo)