"Sas dla Crusc 2017"

Data

10 de jugn 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chisc dis vëgnel venü la cronica dla Val Badia. 728 plates che documentëia la vita te nüsc paisc tratan l’ann 2017
Al é oramai passè 41 agn da canche la Uniun di Ladins dla Val Badia â dé fora le pröm numer dl „Sas dla Crusc“. Impröma êl plü co ater n sföi olach’al gnô publiché tesć de vigni sort, scric por ladin. Al n’ê porchël nia n liber de cronica, mo plütosc n sföi de ladin. Intratan é le liber chersciü tres deplü y é cun le tëmp deventé le liber olach’al vëgn scrit sö y documentè cun fotografies la vita dla comunité y i avenimënc plü importanc che é sozedüs l’ann denant te nüsc paisc, y ince les ativités de istituziuns, uniuns y porsones.

Sce le „Sas dla Crusc“ é indô n iade gnü a s’al dé, él dantadöt por mirit di cronisć di singui paisc che s’á tut le tëmp y la bria da scrí sö y documenté i avenimënc de majer interes y plü significatifs por la valada. Metüs adöm feji fora n mosaich interessant y de gran varieté. Chësc é ala fin le bel, la saú dla cronica. Ann por ann devënta insciö le Sas dla Crusc" na plata dl liber de storia dla Val Badia. Le laur di cronisć ciafará so dër valur cun le tëmp. Ai 15 cronisć i sporjunse te chësta ocajiun n gran "Dî s’al paies". N dilan orunse ince i dí a Timo Craffonara che porta fora la cronica, y che al é salté ite al ultim menüt, sciöche ince a Mario Clara che fej la grafica y nes dëida dagnora cun consëis y paziënza ejemplara! La cronica ne vëgn nia ma venüda da ciasa a ciasa, mo ince tles botëghes dla Val Badia y tl Istitut Ladin Micurá de Rü a San Martin de Tor.