”Piz da Lec”: terzo tentatif

Data

18 de messel 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chësc vëndres gnarál porvé por le terzo iade da lizité le frabicat borjé dl ”Piz da Lech” a Corvara, do döes lizites jüdes a sbüja.
En San Salvester dl 2012 sbrocâl fora por gauja de n petard n gran medefüch tl residence ”Piz da Lec” a Corvara - na multiproprieté cun dessot ince botëghes y gastronomia. Le medefüch á lascé na gran plaia tl zënter da Corvara y chësta plaia é dötaorela ciamó iló, 5 agn y mez dedô. Plü che na plaia él deventé na orcena, n frabicat che desfigurëia le paisc. Ma la pert dla botëga d’alimentars é gnüda ampliada y ressanada. Iadô les coltrines él indere sozedü cotan. Les döes sozietés proprietares y manajadësses é jüdes en falimënt. Ai 28 d’aurí dl 2015 la Piz da Lec Srl, ai 26 de messé dl 2016 la Immobiliare Corvara Srl. Le licare á sciöche sora soluziun dé la desposiziun da lizité la frabica. La pröma lizita é stada ai 20 de merz dl 2018, cun na oferta minima de 1.020.000,00€, mo chëra é jüda a öt. Medema situaziun tla secunda lizita olache le prisc ê ciamó gnü arbassé. Chësc vëndres ai 20 de messé sarál tl stüde dl’aministradú dla massa dr. Hannes Mutschlechner a Bornech le terzo tentatif de lizita. La oferta minima é oramai rovada jö a 573.750,00€, y chësc ponsan che le valur sciazé é de 1,36 miliuns de euro. Les ofertes é da dé jö anter les 12:00 dl de dan la lizita, tl stüde dl aministradú dla massa dr. Hannes Mutschlechner. Informaziuns plü menüdes ciafon pro i aministradus dl concurs dr. Hannes Mutschlechner al 0474/556721 o l’avocata dra. Gabriela Wieser al 0471/410903.  (pablo)

Galaria retrac