La Ila: vare inant por le zënter scolastich

Data

08 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Scora mesana, scores altes y scora de musiga. Döt chësc ciafará lerch te n zënter scolastich su a La Ila. N proiet de feter 16 miliuns de euro. La Junta Provinziala á aproé la proietaziun dles lercs
Te süa sentada di 7 d’agost á la Junta Provinziala traté sön proposta dl assessur Christian Tommasini la chestiun dl zënter scolastich nü a La Ila, aprovan la proietaziun dles lercs. Chësta ê gnüda fata aladô de n stüde de fatibilité arjigné dal arch. Pepele Nagler. Sciöche an sá, dessel gní amplié le frabicat che ospitëia al momënt scora mesana y scores altes. Cun l’ampliamënt gnarál ince pormez na sënta dla scora de musiga Val Badia, che an aspeta bele da cotan d’agn. L’aprovaziun dles lercs ê un n vare; le proscim dess ester chël da tó sö le proiet tl plann trienal dles scores dla Provinzia. Chësc é zënzater n gran laur por le paisc da La Ila y le Comun de Badia, che se damana n investimënt sciazé de 15,8 miliuns de euro. ”Por ci che reverda la spartiziun di cosć y la realisaziun di laurs, ó la Provinzia y le Comun de Badia lauré fora na convenziun”, dij n comunicat dla Provinzia.

T’La Usc di Ladins di 10 d’agost podarëise lí deplü sön le proiet, le vare che an aspeta ciamó y co che i laurs dess gní scric fora. I un baié cun l’assessur de Comun Werner Pescosta y lapró ves mostrunse co che le Zënter dess gní a ciaré fora.  (pablo)