Ciaré les stëres y ascuté i lëgns

Data

10 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chisc dis él a Al Plan de Mareo la ”Star Party”, na manifestaziun cun na oferta rica incër le cil, les stëres y la natöra. La jöbia ai 9 d’agost án albü na serada cun esperc de livel internazional.
Te chëstes nöts incër San Laurënz sarál meso da odëi tl scür dl cil tröpes stëres che toma. N fenomen de gran belëza y morvëia. Incër les stëres se roda ince na gran manifestaziun che vëgn metüda da jí chisc dis a Al Plan de Mareo, denominada ”Star Party”, evënt promoiü dal’Assoziaziun Turistica Al Plan/San Martin. Tl cërtl de chësc evënt él gnü metü da jí ai 9 d’agost na serada sön paiun de paîsc, sot al titul ”Armonia, natöra, cil y univers”. De gran portada i ghesć sön paladina. Pro chisc êl le dr. Werner Maneschg, chersciü sö a Al Plan, che inrësc la fisica nucleara tl Max Planck Institut, mo ince le dr. Roberto Orosei, che fej pert dl team che á descurí l’ega sot le terac dl planët Mars, y le dr. Edoardo Taori, che laora y stüdia cun n sistem che impormët da ascuté la musiga dles plantes. Dlungia chisc ciamó astofisics de gran pëis. Deplü ves dijarunse t’La Usc di Ladins di 17 d’agost. 

Ciaré sorëdl y stëres cun telescops
Cina ai 13 d’agost se roda a Al Plan döt cant incër la natöra en general y le cil en particolar. Ai 10 y 12 d’agost sarál la poscibilité da jí sön Piz de Plaies a ti ciaré ales stëres che toma. Lassö sarál n numer imposant de stromënc sciöche telescops, por osservé damí le spetacul, sciöche ince esperc che spliga. An podará sö cun l’implant, che deura dales 21:30. Ai 11 d’agost vëgnel lascé jí sö missils d’ega pro la Ciasa dl Parch. Vigni de dales 16:00 ales 18:00 án pro la palestra de paîsc la poscibilité da osservé le sorëdl cun n telescop, y vigni dé dales 16:00 inant vëgnel pité la poscibilité da jí a d’ascuté la musiga di lëgns. Na morvëia. Informaziuns plü menüdes ciafon sön www.sanvigilio.com  (pablo)