L’ander dl crëp cunta tres sonns de natöra y porsona

Data

16 de agost 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’ander de Conturines é aldedaincö n post sura le confin dla vegetaziun, che deura les portes al rëgn di minerai. La vita chiló pe passada, mo tira n liam dal preistorich ala natöra y realté d’aldedaincö. Te chësc post, a 2.800 metri de altëza, incunton l’ert figurativa de Lois Anvidalfarei y la musiga dl componist gherdëna Eduard Demetz

Döes é les figöres de brom dl artist de Badia Lois Anvidalfarei, metüdes fora söl ander. Osservan les döes figöres pon amiré che chëra interna tol ite na posiziun embrionala, deperpo che la secunda figüra se ciafa tla posiziun dla tomada lëdia. Chësc desmostra che l’antichité é  la proteziun totala tl monn embrional, tl’incosciënza. Defora ciafunse spo le de da incö, n tëmp che i podesson definí sciöche "sëgn y chiló". Avisa te chësc momënt nascel la cosciënza.

"Chësta alegoria m’á dër plajü", nes cunta Eduard Demetz, le componist dles musighes dl conzert tl ander de Conturines. "I m’á insciö damané sciöche an po uní chisc dui monns", vál spo inant. "N filosof todësch dër conesciü á dit che la cultura é la soma de döt le alisiramënt dles fadies y i impëgns da inlaota. La decadënza ciafunse canche i se un desmentié de ci sforz che ara nen vá. Insciö podunse sintí do canche i jun ite te chësc ander te na maniera cosciënta o ince incosciënta che al é n liam danter la figöra interna y chëra esterna." A chësta manira n’é les figöres nia gnüdes metüdes sö separataënter, mo l'armadöra incër les figüres ia les liëia öna al’atra y liëia insciö ince le passé cun le presënt.

Deplü tla Usc stampada da indoman!