Corvara: Desgrazia tla Val Scüra

Data

10 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N basejumper de 27 agn se sciüra da Sassongher jö, perd le control y mör.
La desgrazia é sozedüda en mertesc ai 9 d’otober domisdé. Püch dan les 16:00 gnôl alarmé l’Aiüt Alpinisć Alta Badia, por na desgrazia sozedüda a n basejumper de 27 agn. Le jonn di Paisc Basc ê jü cun compagns sön Sassongher, por se sciuré dala piza de I Fulminanti jö cuntra Val Scüra. Indere é le salt jü stort: le jonn á pordü le control y é splundré jö por Val Scüra. Por ël n’él plü sté nia da nen fá. Atira á pié le jore l’elicoter dl Aiüt Alpin Dolomites, che á impröma messü ciafé fora olache le corp ê. Insciö ál podü jí ciarié i socoridus dl Aiüt Alpinisć y i á lascé fora sön Plan dala Stëra, olache ai á podü passé ia por n banch de crëp y rové söl post. L’intervënt n’é daldöt nia sté saurí - nes á dit Sebastian Oberbacher dl Aiüt Alpinisć. Por ti rové pormez al jonn án adoré 120 metri de corda sot le joler, deache la val é strënta y sota, lapró dër da peres y material löcher. Canche i socoridus é rová pro le corp, l’an condüt jö a val, olache al é gnü metü te capela di morc. Al sará compit di Carabiniers da tlarí la dinamica dl inzidënt. Che le jonn palses tla pésc.  (pablo)