Por n rü plü sigü

Data

17 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Chi dai Rüs á fat y fajará inant laurs por assiguré le Rü de Ciadinat a Badia, olache al ê iniann da d’aisciöda gnü jö bindebó de roa.
Bele l’ann passé á chi dai Rüs - l’inom ofizial é Ofize Sistemaziun di rüs da munt y paralovines ost - metü man da lauré por mëte en segurëza le Rü de Ciadinat a Badia. ”Al é gnü stabilisé le let dl rü tres tlüses de lëgn y ciostuns”, scrí la Provinzia te n comunicat. Iniann ai 10 d’aurí da sëra gnôl indere alarmé i stödafüch de Badia y da La Ila, por fá n intervënt pro le medemo rü. Por gauja dl deleghe dla nëi êl gnü jö na roa, che â mené paltans y pedruns cina te rü, rovan cina dlungia i lüsc da Fussé y da Coz. Les operes fates l’ann passé n’é nia gnüdes danejades, dij la Provinzia tl comunicat, mo al jô debojëgn da desgorje le material. ”Por ester arjigná a de te’ caji, unse slarié le let dl rü, surassö, olache material eventual de na roa pó arsí”, spliga la direturia di laurs Caterina Ghiraldo, vizediretura dl ofize de chi dai Rüs - Ajentöra por la Proteziun Zivila. Döt adöm án investí 150.000,00€. I laurs é gnüs fac dal capocantier Heinz Baumgartner cun so team. Ti proscims agn dessel ince gní lauré fora y stabilisé la pert dessot dl Rü de Ciadinat, cina olache al röia ite tla Gran Ega.  (pablo)