“Nia de parora” ala pröma

Data

18 de otober 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Do mëisc de laur y de proes, é döt arjigné a La Val por le teater “Nia de parora”, la rapresentaziun dla Pasciun di discepui de Gejú, acompagnada dales musighes fora dl “Messias” de G. F. Händel
Le toch teatral é na traduziun (cun adatamënt) de “Die Ungetreuen” che l’autur todësch Karl Herbst (1916-2004) á scrit tl 1952. Herbst, do avëi studié teologia, é sté assistënt spiritual tla DDR, cina al 1971, y s’á dagnora dé jö cun tematiches religioses, te sü teatri. La particolarité de “Nia de parora” é le punt de odüda dramaturgich: al ne roda nia incër la figöra de Gejú de Nazareth tles ores che al vëgn mazé söla crusc, mo tles aziuns y reaziuns de sü discepui, che é te n iade arbandoná dal Maester y confrontá cun na realté crödia. Ara se trata de n teater modern, dai contignüs scëmpli mo zacó provocanc, deache - sce al é vëi che vignun de nos conësc la storia dla Pasciun de Gejú, chëra che nes vëgn cuntada ti Vangeli - él ince vëi che vignun de nos vëgn chërdé a se confronté (y bunamënter a se identifiché) cun le comportamënt di discepui tl momënt dla proa y dl arbadon. Momënc de tëma, de dejorientamënt, de desperaziun. Mo, tlafinada, na buna ocajiun por se mëte veramënter n discusciun, y sperimenté la forza de na fede che mëss imparé da jí sön sües iames.

"Nia de parora" gnará presenté da indoman da sëra inant tla Dlijia da La Val! Deplü söl toch y la rapresentaziun indoman tla Usc di Ladins stampada!