Con na ciampana nea tal dagní

Data

08 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Do 100 agn á la Capela d’Les Ciases a La Pli de Mareo endô söa gran ciampana. La festa de benedisciun é stada solëna
La picia capela tla vila d’Les Ciases é gnüda fata sö dal 1896 dai cater paurs dla vila desco post sacral y d’oraziun, dandadöt por la jont atompada dla vijinanza co n’ea nia plü bona da fá le tru lunch y sfadius cina jö La Pli.

La capela dedicada a Santa Maria da Lourdes gnea laota tosc ince anüzada dai ijins da Costamesana y de Rü y ciafâ ensciö por les trëi viles na gran emportanza. Por cherdé adöm la jont êl sön ciampanin döes ciampanes corades dala firma da Desproch Grassmayr, la grana de chëres messâ gní dada jö dal 1917 al Imper Austroungarich por fá canuns de vera, y ensciö romagnea la capela por 100 agn con na ciampana sora. Pla reuniun generala 2018 dla Vijinaza da Curt, co é encö patrona dla capela, él gnü valüté y tut en conscideraziun la proposta de Jep Lanz dal Pico da lascé fá do la ciampana. Jep enstës á sorantut trep laur y bries por lascé realisé la ciampana, y la jöbia ai 30 d’agost é jüs bën 25 enteressá a Desproch tla firma Grassmayr a ciaré desche ara gnea corada. Ara se trata de na ciampana de 34 cm de diameter, en pëis de 27 kg, y tal tonn “dis” co acorda con le tonn “f” dla ciampana atuala. Desco ornamont ciafun danter les cornisc le cör religius lié a na crusc desco simbol de fede, amur y speranza, la scrita “Les Ciases” y dal’atra pert la figöra de Santa Maria da Lourdes.

Deplü tla Usc di Ladins da endoman!

 (Iaco Rigo)