Lauré cun la mort

Data

14 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Stefan Alfreider da Corvara n’á nia n laur da vignidé: ël vëgn cherdé canche al mör zacai. Danter sü compic n’aldel nia ma da condü alerch le scrin: alüsc él da puzené, vistí, dortoré y ince arjigné ca i defunc
Novëmber podunse zënzater araté le mëis di morc: te chësc mëis tomel ite Gnissant, le De di Morc, la domënia dles Animes, les recordanzes di tomá te vera. Tröp se roda incër un di temesc che atoca tert o adora vignun de nos: le momënt da tó comié da chësta tera, da nüsc cari, dal monn material, por passé - altamo por chi che crëi - a n’atra forma de vita. Ala fin n’él degügn che sá ci che al sará do la mort. La resposta ciafarunse düc canc adërtora.
Scebëgn che la mort é presënta de por de te nüsc paisc, n’aldera forsc nia propi pro i temesc che acompagnëia sovënz nüsc discursc. Rodunt de mort unse indere orü baié cun Stefan Alfreider, che manajëia n’agenzia funerara. Ël vir cun süa familia a Corvara, y interessant - süa fomena é na êfom, che vëgn cherdada por fá gní al monn viadus. Mai ne s’ess Stefan ponsé da rové n iade a lauré te n te’ ciamp, mo la mort é sëgn süa profesciun. I un orü ti damané co che ara s’á porté pro, co che ara é da rové tles families te un di momënc plü soc dl’esistënza, co che ara é canche an mëss ”lauré” sön chi che ê magari stá sü bugn compagns. Damané ti unse ince sce al se tëm dala mort y ci che al é do süa minunga dedô. Stefan nes á spo cunté co che ara é jüda en chël iade che n scior - maridé - ê gnü en vacanza cun süa secreteria y é mort, y ciodí che ara á doré döes edemes cina che valgügn gniss a s’l tó.

T’La Usc di Ladins di 16 de novëmber podarëise lí na majera intervista.  (pablo)