Varí les plaies dal tëmp

Data

14 de november 2018

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I pröms gragn laurs por rofá i danns a strades y bosc é gnüs fac ia
Al é ince mirit dl bel tëmp morjel, sce al á podü gní fat chisc cinescdé do les ploiéres y chë gran tampesta i pröms gragn laurs de sistemaziun de strades y bosc. Danter Picolin y Longega, por dí n ejëmpl, él gnü cuncé te püc dis le gran büsc che s’â daurí te n santiamen amesa strada, y deplü spones é gnüdes sistemades da dites spezialisades y orentides. La strada dla Val Badia é indô transitabla zënza de gragn problems, al plü mëss i auti ciamó aspeté (situaziun mercui ai 14.11.2018) val’ menüt pro n semafor.
Nia da iustifiché n’é stades chëstes ultimes edemes les osservaziuns da pert de singui por le tröp tëmp che an adorâ da jí p.ej. da Longega cina a Corvara. Vignun mëss capí ci mirachi che stodafüc, dites y lauranc á fat chëstes edemes por garantí la viabilité. 
Tla spana da Pidrô a Corvara él dui posć de laur cun semafor, a Pedraces y a La Ila, che n’é nia gaujá dal rî tëmp, mo a vigni manira orüs por mioré la condiziun de nostes strades, y ince na miú cualité de vita y da jí a pe.
Al momënt é daverc düc i jus importanc incër le Sela, rengraziun n iade düc i responsabli dles strades y i lauranc che s’á dé da fá! Ma plü la Strada Vera (ex strada "panoramica") danter Plan dal’Ega (Longega de Sora) y Plazes (danter Pliscia y Peraforada de Sora) é stlüta al trafich, mo ara podess tosc gní delibrada daldöt dai lëgns tomá - i lauranc é söl post che ai laora.  (Iaco Rigo)