Val Badia

media/k2/galleries/26608/thumbs/IMG_6546.jpg
06 de merz 2024

»Sciöch’i sun, vái bun!«

En mertesc ai 27 de forá 2024 s’á desfiré la presentaziun dl’ultima publicaziun dl’Uniun di Ladins Val Badia. Por chësc liber, che i baia ados ala jonëza dai 9 ai 15 agn, s’á döes jones da Badia dé da fá tl ultim ann. Fora de na idea él gnü realté
Le zënter dla jonëza a La Ila Saj á en mertesc ai 27 de forá ospité la presentaziun dl’ultima publicaziun dl’Uniun di Ladins Val Badia, n liber en chësc iade ponsé dantadöt por i jogn dai 9 ai 15 agn. Le presi­ dënt dl’uniun René Pescoll á porté le salüt y ti á cun na introduziun cörta dé le bëgngnü al publich valga­ mia jonn. Cun parores de ligrëza á le presidënt presenté l’iniziativa nasciüda dala colaboraziun danter les döes compagnes y jormanes Giada Dapoz y ...
media/k2/galleries/26610/thumbs/Bildschirmfoto_2024-03-06_um_14.44.52.jpg
06 de merz 2024

San Martin: La parora ales families

Le Comun da San Martin á metü a jí na inrescida sön les families. La jënt di trëi paisc é inviada da respogne online
Le Comun da San Martin alda pro i pröms comuns de Südtirol che á ciafé dl 2022 la zertificaziun »Family Plus«. Sëgn ón savëi dales families tan contëntes che ares é cun i sorvisc y les strotöres, ciünes che i büta o ciünes che ares ess ion lapró, por capí damí te ci ciamps che an dess lauré. Sot al titul »Families tl Comun de San Martin de Tor« él gnü invié ia na inrescida online, olache les families pó dí la süa. Les porsones é inviades da respogne sön la importanza che cer’ sorvisc y ...
media/k2/galleries/26601/thumbs/IMG_8619.jpg
02 de merz 2024

Forá trö’ massa cialdin

Te chësc mëis de forá unse bëgn albü temperatöres cotan fora dla sajun. Püch frëit da doman, cun les gotes che jô alüsc ince de nöt, y cotan cialt domisdé.
Chësc vëigon sce an ti ciara ai dac dles staziuns dl tëmp provinziales te nosta valada, dal 1. ai 28 de forá. La temperatöres plü alta é gnüda registrada a Corvara ai 5 de forá, cun bëgn 11,6 gra de cialt. Sura i önesc êl ince sté i dui dis denant. Ince sön Piz La Ila él gnü arjunt ai 15 de forá i 10,1 gra de cialt y a San Martin de Tor n’án registré 11,5 gra ai 18 de forá. Atramënter cun le frëit da doman: La temperatöra plü bassa sön Piz La Ila é stada de ma 8,2 gra de frëit ai 24 dl mëis, ...
media/k2/galleries/26553/thumbs/triathlon_sebastian_roda.jpg
29 de fauré 2024

Sebastian Davare y le triathlon söla nëi

Le paisc da La Ila á da chësc ann incá n atlet de winter triathlon: Sebastian Davare, che á bele arjunt de beles sodesfaziuns y é mefodër gnü zoruch dai campionac mondiai
Danter les tröpes ativités sportives sön la paladina internazionala, toca ince chëra dl winter triathlon: n sport dolarata jonn, nasciü ala fin di agn Nonanta, olache i atlec y les atletes mëss se mosoré te trëi disciplines desvalies: paslunch, roda y salté – ince les ultimes döes söla nëi. Le sport vëgn regolamenté tres la organisaziun "World Triathlon" cun sënta a Lausanne tla Svizera, tla Talia él la FITRI – la Federaziun Taliana de Triathlon. Dlungia les competiziuns a livel nazional y ...
media/k2/galleries/26555/thumbs/IMG_6514_2.jpg
29 de fauré 2024

Le proiet »phonē« röia sön paladina

Döes é les produziuns originales de teater dal contribut creatif ladin: öna na amatoriala y l’atra profescionistica. Danter merz y ma saral les rapresentaziuns
Tla cornisc dl proiet cultural, teatral y sozial »phonē« che i pita a ot cul­tures y lingac de mendranza visibilité a livel europeich, á ince le lingaz ladin ciafé süa lerch – chësc, dlungia ai mëndri lingac galego (tla Spagna), sorb (tla Sassonia/Ger­mania), ghelich (tla Irlanda), kven (tla Norvegia), breton (tla Francia), yiddish (tla Romania) y vestfris (ti Paisc Basc). Tl proiet »phonē«, pié ia dl 2022, vëgnel desfiré indunades y workshops a livel europeich cun esperc dl ...
media/k2/galleries/26554/thumbs/5A9A0531.jpg
28 de fauré 2024

»Vives« ala vita, dij les Ganes cun la CD nöia. Al sará n omaje a so daciasa

Da d’altonn 2024 ésera tan inant: le grup musical dles Ganes dará fora n album de cianties originales nü. Do na turné arforada jö dala pandemia, plü mudaziuns tla costelaziun dl grup y pesć dala critica todëscia, vëgnel indô fora melodies nöies. En chësc iade cunta la musiga dla vita desfirada te n paisc da munt, te chël che personaji particolars, tradiziuns y cherdënzes s’intorcorëia, portan ala löm i grops dla vita, che nes porta adöm
»Vives« é le titul dl album nü dles Ganes, che gnará fora da d’altonn 2024. Dan da za. 15 agn á döt metü man. Sciöche coristes sön le iade cun Hurbert von Goisern â les döes sorus Elisabeth y Marlene Schuen cun la jormana Maria Moling descurí le valur dla scincunda musicala, che ti ê gnüda dada inant te familia bele da piceres insö. Sön la barca dl ciantautur austriach Hubert von Goisern s’á les trëi musicontres da La Val intenü, che ares ess albü n dagní tl monn dla musiga pop-rock y ess podü ...
media/k2/galleries/26552/thumbs/Bildschirmfoto_2024-02-28_um_09.37.35.jpg
28 de fauré 2024

"Adüm" a Zagabria

N bel grup á tut pert ala jita dla uniun, che á condüt en chësc ann tla capitala dla Croazia
Ince en chësc ann se á n bel grup de jogn y jones da La Val metü sön tru por vijité na capitala europeica. Sciöche al é tradiziun da n valgügn agn incá, organisëia l’uniun "Adüm" vigni ann na jita por sü mëmbri. Chësta dess gní odüda sciöche na motivaziun implü por fá garaté le festival Gadersound, che vëgn organisé vigni ann de messé. L’uniun cumpëda plü co 100 mëmbri atifs, che se incunta te deplü ocajiuns tratan l’ann y nia ma por organisé le festival.
Sciöche ...
media/k2/galleries/26548/thumbs/badia_familiavalentin.jpg
27 de fauré 2024

Badia: pest sön "Chi Prà"

Pro la sentada generala dla Lia di Paurs dl Südtirol á trëi families da paur de Südtirol ciafé le Pest por i paurs a la munt. Lapró él ince la familia de Michele y Lucia Valentin dl Lüch de Chi Prà a Badia
En sabeda ai 24 de forá á la Lia di Paurs dl Südtirol tigní a Balsan süa sentada generala. Te chësta ocajiun él oramai bele na tradiziun da surandé i Pesć por i paurs ala munt – n pest che vëgn metü a desposiziun dales Casses Raiffeisen dl Südtirol, por familia che laora i lüsc te na manira esemplara, zënza sconé bries y fadies y ince cun n spirit inovatif. Döt chësc porta pro da mantigní la contrada y la cultura tradizionala da paurs. "Le pest é n sëgn de reconescënza y aprijamënt" á alzé fora ...
media/k2/galleries/26521/thumbs/Bildschirmfoto_2024-02-22_um_14.33.04.jpg
25 de fauré 2024

Liber nü: "Sciöch’i sun vái bun"

"Ahi, sce i foss madër n pü’ atramënter…". Chësc é un di tröc pinsiers che á acompagné Elena Nagler y Giada Dapoz, döes jones studëntes che é da tres de bunes compagnes, tratan i trëi agn de scora mesana
Le liber "Sciöch’i sun vái bun", dé fora dala Uniun Ladins Val Badia, é nasciü por i mituns y les mitans dla scora mesana o por chi che se arjigna ca a chësta scora. Chësc liber dess ester n bun compagn, che mostra che vignun, te süa diversité, vá bun sciöch’al é. Al é le liber che les auturies Elena y Giada se ess dejidré dan le mëteman dla scora mesana, che pó ester – a gauja dla puberté y de düc i cambiamënc – na scora danz ria.
Titto, Lily, Zahira, Alex, Mia, Julia y Eliah nes portará te na ...
media/k2/galleries/26519/thumbs/sabrina_amy.jpg
24 de fauré 2024

Ciareme ti edli: cun Sabrina Da Col

Na rubrica de pinsiers, minunghes y reflesciuns, sön la tematica di debojëgns particolars
I sun Sabrina, da passa 20 agn insëgni da nodé y i sun alenadëssa pro le SSV Porsenú – seziun nodé y seziun dejabli. I sun referënta dla FISDIR (Federazione Italiana Sport per Disabilità Intellettivo Relazionali) y da dui agn incá laori da colaboradëssa por l’integraziun tles Scores Altes da La Ila.
I á fat fadia da me ausé ite da lauré te scora, i ê massa ausada da ester lëdia da me organisé, da lauré cun mi tëmps y cun i tëmps di mituns y mitans cun debojëgns particolars – tl ciamp sportif.
Te ...
media/k2/galleries/26520/thumbs/Bildschirmfoto_2024-02-22_um_14.28.59.jpg
23 de fauré 2024

Terzo post por »Lu&Me«

La band de Lucia Kastlunger d’Al Plan y so compagn Matthias Bäuerlein á arjunt n bel resultat pro le festival »Winto.klong 2024«. N bun omen por i termins che é dan porta – danter chisc ince la publicaziun de na ciantia nöia
En sabeda ai 10 de forá é jüda a piz cun n gran conzert la cuarta ediziun de »Winto.klong«, n festival musical organisé dal zënter cultural »Grand Hotel« da Toblach, che s’oj ales ciantauturies y ai ciantauturs de döta la Euregio – Südtirol, Tirol y Trentin. Danter chës 30 bands che s’á candidé da fá para, él sté na juria che n’á chirí fora 6 por le gran final; y chëstes s’á spo lascé aldí en sabeda sön la paladina dl Grand Hotel. Danter chëstes êl ince la band d’Al Plan ...
media/k2/galleries/26518/thumbs/turism_calfosch_cascadasaus.jpg
22 de fauré 2024

Val Badia: 3,3 miliuns de pernotamënc

Les zifres turistiches lascia indô segné n record tla storia dla Val Badia, cun passa i 3,3 miliuns de pernotamënc. I »pici« crësc plü co i gragn
De crisa degun fostü, altamo sce i baiun dl setur turistich tla Val Badia. L’economia florësc, i eserzizi laora. L’ann 2023 mostra indô n iade sö n record tla storia turistica de nosta valada: daimpró da 700 mile ghesć y passa 3,3 miliuns de pernotamënc. Chëstes é altamo les zifres che nes vëgn comunicades dales cooperatives turistiches Alta Badia y Al Plan/San Martin, y che se referësc no ales sajuns, mo al ann solar, dal 1. de jená cina al 31 de dezëmber dl ann passé. Sciöche i ...
media/k2/galleries/26494/thumbs/fd64d83d-2835-4b41-8fdf-b99017e49c05.jpg
21 de fauré 2024

Fracia dal cartun nöia a Pidrô

Le Comun da La Val á arjigné na fracia dal cartun, che é jüda en funziun chëst’edema. N vare inant por la zentralisaziun dl punt de racoiüda a Pidrô
Dan da val’ de él rové adalerch tl Comun da La Val na fracia dal cartun nöia. Insciö á la comunité comprensoriala Val de Puster, tl scrí fora danü la bandida por la racoiüda dl refodam y desgorta dl cartun, tut la dezijiun de mudé sistem de racoiüda dl cartun por evité n aumënt di cosć, che le vedl sistem dla raco­iüda a man ess damané. »La fracia dal cartun ê na soluziun che se pitâ bun, ciodiche cun la fracia pól gní dé jö plü cartun te na manira ordi­nada y che ne se damana nia plü ...
media/k2/galleries/26493/thumbs/ciuita_cabina.jpg
21 de fauré 2024

Piculin: ciuita te lift

Coriosité: incö danmisdé s’án ciafé na sorpresa de morvëia sön l’implant da Piculin
Che al é chisc dis n gröm de jënt che rabësc sön nostes pistes y sön i implanc, chël é düc che vëiga. Mo che an ess chësc mercui n ghest tan particolar, ne s’esson bëgn no ponsé. Porsones dl post che jô sö cun le lift da Piculin s’á fat bindebó demorvëia da odëi che tla cabina che jô jöpert êl n vicel laite. Söinsom ái aspeté y bel avisa, canche ara rovâ sö zoruch, ê le passajier tres ciamó dailó. Ara se tratâ de na ciuita de bosch, che é por na rajun o por l’atra rovada ite tla cabina y é ...
media/k2/galleries/26492/thumbs/ciavai_fanes.jpg
21 de fauré 2024

Cun slites y ciavai te Fanes

En domënia él gnü a s’al dé n rait particolar. Deplü zidladus s’á incunté cun ciavai y slites por raité te Fanes, y recordé insciö i 120 agn da canche al é gnü metü sö la pröma Uniun di Ciavai tla Val Badia
La manifestaziun di ciavai plü conesciüda tla valada é zënzater le Rait de San Linert; cotan plü tl chît s’á desfiré en domënia dan otedé n pü’ n ater rait, olache 7 zidladus de ciavai dla Val Badia s’á incunté ite a Pederü te Mareo, por jí cun les slites da zacan cina tla munt de Fanes. Na jita che á odü na domënia cialdina y da bel tëmp, mo che é garatada te n ann particolar. Rodunt dl 2024 tomel le iubilé de 120 agn da canche al é gnü metü sö tla Val Badia la pröma Uniun di Ciavai. Al ê ...
media/k2/galleries/26489/thumbs/scizeri_medaiakatrin.jpg
20 de fauré 2024

Medaia por Katrin

En la domënia de Andreas Hofer á la Lia di Scizeri surandé a Maran les medaies de Catarina Lanz, por porsones che s’á fat miric tla lia a livel local y nia ma. Lapró êl ince Katrin Ellecosta da La Pli
Tratan le mëis de forá tomá ite ince la domënia de Andreas Hofer, olache les compagnies de scizeri tol la ocajiun por recordé le de dla mort de Andreas Hofer, mo ince por recordé les porsones che á messü lascé süa vita por la patria. En chësc ann é la festa tomada ai 18 de forá, olache la Lia di Scizeri dl Südtirol á invié a Maran, ala "Andreas–Hofer–Landesfeier".
Te chësta ocajiun él ince gnü surandé les medaies al mirit "Catarina Lanz". Dui scizeri á podü pié do la medaia d’arjënt y 13 la ...
media/k2/galleries/26487/thumbs/Bildschirmfoto_2024-02-19_um_17.22.54.jpg
19 de fauré 2024

Rina: inzidënt te bosch

Tl pröm domisdé él sté n ël da Rina che s’á fat bindebó me da lauré te bosch
Le fat é sozedü chësc lönesc ai 19 de forá incër les döes domisdé. N ël da Rina, ann 1969, ê tl laur da lauré te bosch nia dalunc da Grones, canche al ti é sozedü n bur’ inzidënt, olache al é romagnü bindebó ferí. L’ël ê bonamënter dassú y ciafé l’á süa möta, che á ince atira fat alarm. Söl post él spo defata rové le socurs dla Verda de Finanza, sciöche ince i socoridus dl Aiüt Alpin da San Martin/Antermëia y le joler dl Aiüt Alpin, insciö che an ti á pité al ferí les prömes cures. Por pité le ...
media/k2/galleries/26485/thumbs/barasch.jpg
19 de fauré 2024

I diari de vera é sëgn por talian

Dl 2022 él gnü fora n liber inglesc cun i diari dla pröma vera dl dotur Isaak A. Barasch, che ê ince sté valgügn mëisc a Al Plan. Sëgn é le liber gnü fora por talian
Les veres dl monn é n capitul dër scür tla storia dl’umanité, olache ince de nüsc omi y jogn á messü jí sot y cotanc n’é baldi nia plü gnüs zoruch. Cis la pröma vera é stada por nos dër daimpró, cun aciampamënc di soldas ince te nüsc paisc y le frunt "sön porta de ciasa". Danter les tröpes documentaziuns sön le conflit mondial, n’él gnü a löm dan val’ agn öna scialdi particolara: i diari de Isaak A. Barasch, nasciü dl 1885 tla Galizia (incö Ucraina) y che á sorví tla pröma vera sciöche dotur ...
media/k2/galleries/26452/thumbs/4_Carnesce_2024_ManuelGlira_.jpg
17 de fauré 2024

Le Carlascé á porté tröp corú

La Cooperativa Turistica á metü a jí da Carlascé deplü de pici evënc tl comun de Badia: insciö s’á le Carlascé implí de festes cun DJ sön pista, gares en maschera, defilades y acrobazies dl Freestyle Team Pirates
Ince tl’Alta Badia él gnü festejé le Carlascé, pian ia dala jöbia grassa ai 8 de forá cun de piceres festes sön pista metüdes a jí dala Coopera­ tiva Turistica. Chiló é la festa gnüda acompagnada da musiga y animaziun por pici y gragn. Mascheres origina­ les, müses depëntes sö y duciaries á i mituns y les mitans en maschera podü ciafé sön le post.

Liede deplü tla ediziun nöia de vëndres 16 forá !
media/k2/galleries/26443/thumbs/70-agn-online_Kopie_2.jpg
16 de fauré 2024

Na fontana de stizes por i 70 agn

La Scora de Schi San Ciascian á festejé so compliagn ai 6 se forá cun gran spetacul: danter presentaziuns di maestri, joghelnadús de füch, esibiziuns dl Bal Popolar Val Badia y acrobazies dl ince dé ca n’arsida nia aspetada
Tla sëra ai 6 de forá á la Scora de Schi San Ciascian dé gran spetacul: ai pisc dla pista dl Piz Sorega á la Scora de Schi festejé deboriada cun colaboradus, jënt dl post, sciori y val’ghest particolar la belëza de sü 70 agn. La festa s’á davert sön les notes de orghi da botuns y na chentlada. I maestri de schi dla scora á dedô ince porté dant l’evoluziun dl schi y le svilup dla tecnica sportiva, por rové cun val’matada, che á devertí le publich.

Liede inant tla ediziun nöia ...