Val Badia

media/k2/galleries/7043/thumbs/placid_notes.jpg
02 de auril 2018

Matiné dl Lönesc de Pasca

Da plü agn inca mët da jí a San Martin de Tor l’Uniun di Ladins dla Val Badia en colauraziun cun l’Istitut Ladin Micurá de Rü chësta manifestaziun, olache la jënt dl post á l’ocajun da ruvé adöm y da passé na bela aorela cörta en compagnia
L’evënt - che sará incö lönesc ai 2 de aurí 2018 dales 10:30 inant sön plaza dl Istitut - á danter i protagonisć le trio jazz “The Placid Notes”, metü adöm da Lucia Kastlunger (usc y percusciuns), Markus Olsacher (chitara)y da Jürgen Niederwanger (bateria). Al é da ciafé n bufé de liagnes blances y üs da Pasca cun dic ladins por na cufada. Al vëgn ince promoiü la venüda de libri tl lingaz ladin tres le marcé de libri. Na lerch ampla á en chësta ota i mituns y a d’ëi é destiné n laboratore cun ...
media/k2/galleries/7021/thumbs/corvara0.jpg
28 de merz 2018

Füch sön tët a Corvara

En mertesc ai 27 de merz da sëra á pié füch a Corvara le tët de na ciasa en costruziun. L’intervënt asvelt di stödafüch a tigní i danns ti termi.
L’alarm por i stödafüch da Corvara y Calfosch é jü fora incër la mesa dles 7 da sëra. A Corvara tla localité Burjé, nia dalunc dala staziun a val dl implant dl Boé, â pié füch le tët de na ciasa ciamó en costruziun. Les flames s’á svilupé tla isolaziun dl tët, nes vëgnel dit da Helmut Thaler - comandant di stödafüch da Corvara. Por gorné les flames él ince rové alerch i stödafüch da La Ila cun la litra. ”Ma bun ch’i sun gnüs alarmá atira”, dij inant Thaler, deache por mirit dl intervënt asvelt ...
media/k2/galleries/7010/thumbs/marcus.jpg
24 de merz 2018

Bravi musizisć pa ”Prima la Musica”: cater pröms posć tla Val Badia

Tl concurs musical ”Prima la Musica”, tigní sëgn de merz a Telfs, á i musizisć jogn dla Val Badia arjunt de bi resultac.
Cater pröms posć: chësc é le bilanz plü co positif, arjunt da ciantarins y musizisć dla Val Badia pro le concurs musical ”Prima la Musica”, tigní a Telfs, por le raiun de Tirol y Südtirol. I cater davagnadus é Marcus Costalunga da San Martin ti cianté - che á ince davagné le dërt da tó pert al ”Bundeswettbewerb” de ma/jügn a Desproch. Pröm post ince por Gabriel Bogdan Man da Pidrô, Carlo Tremolada da Corvara, Simon Brandlechner d’La Pli.

T’La Usc di Ladins di 23 de merz ciafëise deplü sön ...
media/k2/galleries/7004/thumbs/Bildschirmfoto_2018-03-23_um_09.47.45.jpg
23 de merz 2018

La matada da carlascé che les ëres ess podü jí en Jeun é rovada dër lunc!

Le fin de na matada é che zacai tomes ite, mo la noela che les ëres podô jí en Jeun, á propi fat la roda dla provinzia.
Al é oramai tradiziun, che ince La Usc di Ladins publichëia da carlascé val’ articui matorins, che á forsc ince val’ de vëi laite, mo é tla gran pert inventá. Insciö éra ince stada iniann, canche i un publiché l’articul che dl 2021 ess les ëres podü jí en Jeun. I l’ân ince partí online sön nosta plata Facebook, olache la noela s’á slarié fora gnanca da dí. Ara n’á nia doré dî che la pröma porsona prominënta tomâ tla tënora. Al é na funzionara de n gremium provinzial, che á partí la noela sön so ...
media/k2/galleries/7003/thumbs/camion_longega.jpg
23 de merz 2018

Longega: Camion tl paltan

Esperiënza coriosa y da parenté por le ciafér de n gran camion ciarié ite cun produc por i supermarciá. Tl tentatif da oje, s’á les rodes ingrifé te n pre.
Al ê incër la mesa dles 6 da doman di 23 de merz che al rovâ alerch a Longega n gran camion cun gratun, ciarié ite cun produc destiná a botëghes de alimentars dla Val Badia. Pordërt dêra jí sciöche i atri iadi: destaché le gran gratun iadedô y le lascé a Longega, por jí n iade a desćiarié la marcianzia sö Al Plan, olache al foss n gran problem da s’armöie cun n meso tan lunch. Le ciafér s’á insciö ponsé da jí a oje tl pre de Bastl y dailó éra sozedüda. Por gauja dl gran pëis dl meso y dl ater ...
media/k2/galleries/6960/thumbs/invern-morveia.jpg
21 de merz 2018

N invern lunch y demorvëia

Les muntagnoles ciamó sot deca ite
Tratan che l’aisciöda é da aldí ince te nostes vals de munt almanco tres i vicí, ne zeda l’invern nia ciamó da nes apascioné. N spazier te Fanes é na cercia dl invern, dla bela nëi blancia y dles aries nëtes. Al é vëi, chësc invern döra bele dai pröms de novëmber incá, mo al ne lascia porchël nia da nes afasciné!
media/k2/galleries/6956/thumbs/tribunal.jpg
20 de merz 2018

La Ila: straufunga pesocia por difamaziun tla rëi

N ël da La Ila é gnü condané tl Tribunal da Balsan por difamaziun ti confrunc de Elisabeth Ferdigg Dorigo y so om, l’ex-ombolt de Badia Ugo Dorigo. Le strauf é tomé fora pesoch: 8 mëisc de porjun cun condizionala y 12.000,00€ de straufunga
”Difamaziun”: aladô de Wikipedia él ”n comportamënt che mira da ofëne o descredité la reputaziun de na porsona.” Rodunt chësc é ci che é sozedü ai 14 jügn dl 2013 y i dis dedô, canche n ël da La Ila publicâ sön Facebook na linia de comentars a dann de Elisabeth Ferdigg Dorigo, la fomena dl ex-ombolt de Badia Ugo Dorigo. Sciöche canal âl adoré le profil anonim ”AltaBadiaDolomites” (deventé spo ValBadia Dolomites), che ê pormó nasciü püch denant. 
L’acüsa piada ia dala plata ê valgamia ...
media/k2/galleries/6948/thumbs/ega-da-bere.jpg
19 de merz 2018

Le plusvalur de nosta ega da bëre

N comentar dl redadú Iaco Rigo
Al é bëgn saurí da crëie, che i ozeanns é plan plan intossiá de plastica, tan che an ne dess gnanca plü mangé pësc dal mer che al é tla cern plastica fruziada y spidic de vigni sort d’ater tosser: ti supermarciá vëgnel pité üs scusciá fac ia te confeziuns de palstica, y pomaranc y poms scusciá confezioná te plastica. Nia da crëie tan inant che i s’un ruvá! Mo chiló fala dantadöt i consumënc, che vëiga chisc produc tles scafes y i cumpra ciamó!

Tan inzescü che le monn vá dij ince le comportamënt ...
media/k2/galleries/6952/thumbs/manfredmoelgg.jpg
17 de merz 2018

N te’ tratamënt ne s’á Manfred nia mirité!

Le foliet edemanal FF fej burt cun Manfred Mölgg, te n comentar che vëgn dassënn critiché ince tla rëi.
”Aste lit le comentar de Manfred tla FF?”, me damanâ n maester de schi d’Al Plan. I ne l’â nia ciamó odü, spo me l’ál mené por Whattsapp. Canche i l’á lit, sunsi romagnü cun la bocia daverta. Tl toch che mët man cun ”Lieber Manfred” y vëgn firmé cun ”Mit freundlichen Grüßen. Ihre FF” vëgnel impröma critiché che Manfred s’á ciafé a Kranjska Gora passa 6 secunc da Marcel Hirscher. Sce valgügn se sint da fá osservaziuns sön chësc aspet, pól pö le fá, madër che le foliet vá inant, y tol chësta ...
media/k2/galleries/6945/thumbs/strada1.jpg
16 de merz 2018

Püres strades

Sfësses, büsc y coi. Deplü strades provinziales y comunales tla Val Badia y nia ma é te na situaziun plü co precara. Chësc invern á lascé süa merscia. I nen un baié cun Klaus Kaneider dl Sorvisc dles strades dla Provinzia.
”N te’ invern n’unse bele dî nia plü albü por les strades”. Chëstes é les parores de Klaus Kaneider. Ël é colaboradú tecnich por les strades provinziales dla Val Badia y da Türesc, sciöche ince capostrades por le toch danter San Martin de Tor y Corvara. Al se referësc ala situaziun dles strades, che düc i ciafêrs vëiga instësc: sfësses olachessî, büsc da sté fora, pozes. Les strades vëgn por da rí gonot paragonades al Emmenthal, le ciajó svizer da büsc. Gnanca cun düc i torc. La ...
media/k2/galleries/6944/thumbs/festival.jpg
15 de merz 2018

”Cusanus goes ladin”

Chësc ê le motto dl Festival di Lingac organisé tl Ginase linguistich y scientifich da Bornech. La scora alta todëscia i á dediché n danmisdé intier al ladin.
Tl Ginase linguistich y scientifich da Bornech, scora alta de lingaz todësch, él da trëi agn incá tradiziun da organisé n iade al ann n Festival di Lingac. Do che an á i dui agn passá traté deplü lingac y cultures desferënc de scolars che vá iló a scora, án iniann mudé conzet, i dedican n danmisdé intier al lingaz y ala realté di ladins. Le danmisdé á metü man por düc cun na relaziun sön le ladin da pert dl professur Paul Videsott. Inant éra spo jüda tles classes, olache scolares y scolars á ...
media/k2/galleries/6934/thumbs/lovina.jpg
15 de merz 2018

Le jonn Andreas Rottonara mör sot na lovina

Burta desgrazia en mercui ai 14 de merz devers de Val de Litres. Le jonn Andreas Rottonara - möt dl Ombolt da Corvara - é rové sot na lovina ite y á pordü la vita. Al ê dl 1996
La Val Badia plüra por n’anima jona che á messü lascé chësc monn trö’ massa adora. Ara se trata de Andreas Rottonara, ann 1996 y möt dl Ombolt Robert Rottonara. Le jonn é rové sot na lovina en mercui ai 14 de merz domisdé y á insciö pordü süa vita. L’inzidënt é bonamënter bele sozedü incër les 4 domisdé - arata i socoridus - mo la cherdada por l’Aiüt Alpinisć Alta Badia é pormó rovada da sëra, sciöche Sebastian Oberbacher - vize dl grup nes á cunté: ”La cherdada é pormó gnüda dales 9 da sëra, ...
media/k2/galleries/6908/thumbs/pice-prinz.jpg
15 de merz 2018

Le Pice Prinz

Verjiun nöia tl Ladin dla Val Badia
Sëgn é "Le Pice Prinz" de Antoine de Saint-Exupéry da ciafé te na verjiun y ediziun nöia dla ciasa de publicaziuns "Tintenfaß" (Germania, Neckarsteinach). Gnü dé fora él en colaboraziun cun l’UML - Uniun Maestri Ladins. Autur dla verjiun ladina é Giuvani Mischi. Chësta verjiun ladina, idiom dla Val Badia, fej pert de na gran familia de indöt 79 traduziuns (lapró verjiuns dialetales sciöche le Vienesc, Mantovan, Bergamasch, Andalus, Venet, Kryol di Sicor (Kasamansa), Lemosin (ozitan), y cinamai ...
media/k2/galleries/6906/thumbs/Bildschirmfoto_2018-03-14_um_08.14.01.jpg
14 de merz 2018

Video de lus a San Ciascian? ”Nou!”, dij le verdaciacia

Da zacotan de dis incá rodel n video che dess mostré n tlap de lus sura Glira a San Ciascian. I ti un damané al verdaciacia de Badia ci che al nen pënsa.
Le borjú dal lu ne dá nia do. Insciö rodel da zacotan de dis n video sön Facebook y Whattsapp, che dess mostré n tlap de lus a San Ciascian. Ince iö sun un de chi che l’á ciafé. Pro le video êl scrit ”San Ciascian - Wildkamera sora Glira”. Le video é gnü odü y partí n gröm de iadi sön Facebook, cun desënes de comentars lapró. Tröc ne s’á nia bëgndî damané da olache al vëgn, che che l’á fat y suradöt sce al é bëgn vëi che al é San Ciascian. Nos ti l’un damané a Herbert Comploi, che é dal 2002 ...
media/k2/galleries/6901/thumbs/ciamena.jpg
13 de merz 2018

La Val: i migranc é rová alerch

Le mertesc ai 13 de merz él preodü che al röies te calonia da La Val i 5 migranc assegná tres le proiet SPRAR.
Al é passé püch plü co n ann y mez da chël de di 2 d’agost 2016, canche al ê sté a La Val la serada publica sön l’assunziun de muciadus. Al ê sté na serada dër cialda y animada. Iló gnôl ciamó baié de n grup de 25 porsones che ess messü rové te paisc, te na ciasa de privac. Cina incö él gnü fat cotan de vari inant y suradöt ince mudé jö le sistem, passan da n gran grup ala partiziun te de pici grups ti comuns desvalis de Südtirol. Döt chësc é conesciü sciöche proiet statal SPRAR, che prevëiga n ...
media/k2/galleries/6900/thumbs/vedues_foto3.jpg
13 de merz 2018

Ëres da coraje y forza

Danter les sis vëdues onorades a Balsan él ince Rosa da Zelé da Costamesana a La Pli de Mareo, che â pordü l’om dan passa 40 agn. La surastanta dles Patrones (da paur) Hiltraud Erschbamer y l’aconsiadú dla Fondaziun Cassa dl Sparagn Reinhold Marsoner á tigní la premiaziun
Pié do na onoranza publica y ofiziala a livel provinzial de chësc format, pó ester n de da festa, mo ci che stá doía agn alalungia de fadies y crusc ne pó nia, y mai, gní recompensé, ajache al é miric realisá ora por ora, de por de. Tl cajo de Rosa da Zelé (Rindler vëdua Trebo), ince onorada a Balsan en domënia ai 11 de merz 2018 en gaujiun dl 38ejim De dles Patrones, él da se lascé cunté fora de söa vita, ci speranza y forza che ara á dagnora albü cun trá sö - instëssa y da sora - na familia ...
media/k2/galleries/6897/thumbs/Bildschirmfoto_2018-03-09_um_13.40.26.jpg
11 de merz 2018

Emoziuns y saus dal nord

La Norvegia é conesciüda por le bëgnester sozial y la cualité de vita alta. La belëza naturala cun sü dlaciá y fiords soc alda pro l’ambiënt te chël che la jënt svilupëia süa filosofia de vita autentica y naturala. Na esperiënza de stüde che devënta esperiënza de vita
Liede do les beles esperiënzes che Mara Miribung fej atualmënter tla Norvegia tla ediziun atuala stampada y online a paiamënt de La Usc di Ladins!

media/k2/galleries/6896/thumbs/priskacomploi.jpg
10 de merz 2018

Tl Israel a soné

"Scialom" y "salaam" oress dí pêsc por ebraich respetivamënter palestinesc. La musizista Priska Comploi nes cunta de na esperiënza fata te na roda de conzerc tl Israel
Aldedaincö podunse gní alassura de tröp ci che suzed de bel y de manco bel te d’atri ciantuns dl monn tres l’internet y i media. Impó resta l’esperiënza personala che an fej cun pel y cör söl post le miú diare y la reportaja plü daimpró ai fac y ala realté. Interessanta pó ester la vita de na musizista profescionala, canche ara vëgn inviada y cherdada da tó pert a proiec internazionai, y sce chisc vëgn a löm te raiuns amarsciá da conflic spo ciafa la torné ciamó lapró n sëns y significat umann ...
media/k2/galleries/6892/thumbs/irina_barbara.jpg
08 de merz 2018

Atmosfera: n grup por baié di ”mai dl’anima”

Sc’i me rumpi n os, spo vái dal dotur a me mëte sö n ghips: chësc é por düc saurí da capí. Manco saurí capësc jënt le bojëgn da jí da n psicologh sce l’anima fej me, scebëgn che les dificoltés psichiches é tres deplü. Tla Val Badia unse n grup de autoaiüt, batié cun l’inom ”Atmosfera”.
I arati da podëi dí che düc l’á tert o adora tla vita: n tëmp de ria löna prolungiada, ch’ara ne büta nia, che an se stá ert, forsc na depresciun. Y i n’un gnanca bria da l’ascogne: les maraties y les dificoltés psichiches raita ite te nosta sozieté a gran velozité, por les rajuns plü desvalies. Impó él dolarata ciamó n gran tabú da nen baié lassura. Sce zacai se rump na iama, él por düc tler che al á da jí dal dotur a se lascé medié. Sce zacai se ”rump l’anima” - se stá mal daite, éra ...
media/k2/galleries/6863/thumbs/auto0.jpg
08 de merz 2018

Cun l’auto sö por les rëis de proteziun

Al Plan: intervënt de na certa spetacolarité por i stödafüch, tla sëra di 7 de merz a Al Plan, por n auto jü fora de strada
L’alarm por i stödafüch d’Al Plan é jü fora le mercui ai 7 de merz dales 17:28. A Al Plan êl sozedü n inzidënt tl raiun d’La Bronta, bel jödapé dla pista ”La Miara”. N ël gnô cun so auto jö por la strada de Chi Vai, canche al incunta zacai che vëgn dl ater vers. En pert por la velozité massa alta y en pert por la strada bele lizia por gauja dla nëi che tomâ spëssa, é l’ël jü fora de strada, abinan impröma na tofla de strada y arsîn dedô söl’atra pert, cun l’auto êrt sö por na rëi de proteziun ...