Dò più che 24 ores de lurier e na net de votazions sul centené de emendamenc e ordegn del dì prejenté, l Consei de la Provinzia de Trent à aproà en domenia da doman ai 10 de mé l ddl 55, na lege fondamentèla per ge dèr respostes concretes a la families, ai lurieranc, a la partides Iva e a la firmes en dificoltà per la pandemìa da Covid-19.
L ddl »Ripresa Trentino - 2« é stat aproà con la stimes a favor de la maoranza, del PATT, del PD (fora che Luca Zeni che se à astegnù) e UpT e la astenjions de doi conseieres de Futura (Lucia Coppola e Paolo Ghezzi), de Alex Marini del Gruppo Misto e de Filippo Degasperi de Onda Civica Trentino. Trenta i scì e 5 la astenjions. Nesciugn de contra.
L president de la Provinzia Maurizio Fugatti tel verjer la discuscion l’à sotlineà la situazion grieva che é dò a viver ence l Trentin. »Na ferida, umana, sozièla e economica, che ge somea demò a la seconda vera mondièla. Te chest clima, con i sacotenc morc che se à portà demez la generazion che à fat sù l Trentin, la Jonta l’à volù portèr dant chest ddl che pel esser conscidrà desche na vera manovra anticrisa.«
De più su La Usc stampèda de vender ai 15 de mé 2020. (mci)
150 milions per families, lurieranc e firmes
L Consei provinzièl à aproà l ddl 55 con 30 stimes a favor e 5 astegnui.
Galaria retrac
View the embedded image gallery online at:
https://www.lausc.it/atualite/12662-150-milions-per-families-lurieranc-e-firmes#sigProId3960901506
https://www.lausc.it/atualite/12662-150-milions-per-families-lurieranc-e-firmes#sigProId3960901506